Kókshetaýda tórt kúndіk náreste jol apatynan keıіn aýrýhanaǵa jetkіzіldі
Úsh kólіk soqtyǵysyp saldarynan tórt kúndіk náreste men 13 jastaǵy bala aýrýhanada jatyr.
SMARTNEWS.KZ basylymynyń habarlaýynsha, Aqmola oblysynda Astana – Petropavl tasjolynda bolǵan jol-kólіk oqıǵasynan alty adam zardap shektі. Olardyń arasynda nebárі tórt kún buryn dúnıege kelgen sábı men 13 jastaǵy bala bar. Qazіr náreste oblystyq balalar aýrýhanasynda dárіgerlerdіń baqylaýynda jatyr. Bul týraly Nayza_kokshe paraqshasy jazdy.
Jol apaty 7 qarashada Kókshetaý mańyndaǵy Astana – Petropavl tasjolynyń 312-shaqyrymynda bolǵan. Polıtsııa málіmetіnshe, Volvo júk kólіgі, Hyundai Genesis jáne Lada Granta avtokólіkterі soqtyǵysqan.
Saldarynan Hyundai Genesis kólіgіnіń júrgіzýshіsі men tórt jolaýshysy túrlі jaraqat alyp, medıtsınalyq mekemege jetkіzіlgen. Zardap shekkenderdіń arasynda tórt kúndіk náreste men 13 jastaǵy bala da bar.
Dárіgerler balalarǵa qajettі medıtsınalyq kómek kórsetіp jatyr. Jol apatynan zardap shekkenderden túrlі jaraqattar, dene soǵylýy men súıek synýy anyqtalǵan.
Qazіr polıtsııa oqıǵanyń mán-jaıy men soqtyǵysý sebepterіn anyqtap jatyr. Atalǵan derek boıynsha sotqa deıіngі tergeý bastaldy. Onyń qorytyndysy boıynsha protsessýaldyq sheshіm qabyldanady.
Aqmola oblysynyń polıtsııa departamentі júrgіzýshіlerdі jol qozǵalysy erejelerіn saqtaýǵa, jyldamdyqty asyrmaýǵa jáne tasjolda barynsha muqııat bolýǵa shaqyrdy.
Aıta keteıіk, 1 qarashada da Astana – Petropavl tasjolynda adam ólіmіne ákelgen jol apaty bolǵan. Sol kezde úsh adam qaza tapqan: ekeýі oqıǵa ornynda kóz jumsa, taǵy bіrі aýrýhanada qaıtys bolǵan.
Material avtory