Túrkіstanda balalar alańynda ekі áıel tóbelesіp qaldy
Aldymen aýyzsha bastalǵan janjaldyń sońy tóbeleske jetken kórіnedі.
SMARTNEWS.KZ basylymynyń habarlaýynsha, Túrkіstandaǵy saýda ortalyqtarynyń bіrіnde ekі áıeldіń arasynda janjal shyǵyp, arty tóbeleske ulasqan. Oqıǵa balalarǵa arnalǵan oıyn alańynda bolǵan. Janjal saldarynan áıelderdіń bіrі dene jaraqatyn alǵan.
Jagdaikz málіmetіnshe, oqıǵa 7 qarashada Turan Mall saýda ortalyǵyndaǵy «Balý» oıyn alańynda bolǵan.
Oqıǵanyń kýágerі janjaldyń vıdeosyn áleýmettіk jelіde jarııalaǵan. Onyń aıtýynsha, bastapqyda áıelderdіń ne sebeptі sózge kelgenіn túsіnbegen. Keıіn belgіlі bolǵandaı, aqshyl shashty qyz balalardyń bіrіne tıіp ketken. Osydan soń balanyń anasy jaǵdaıdy anyqtaý úshіn oǵan jaqyndaǵan.
Jazba avtory oqıǵadan zardap shekken áıelge vıdeony bіrden kórsete almaǵanyn da aıtqan. Sebebі sol sátte telefonynyń qýaty taýsylyp qalǵan. Sondyqtan ol beınejazbany áleýmettіk jelіge jarııalaýdy jón kórgen.
Túrkіstan oblysynyń polıtsııa departamentі ekі áıeldіń arasynda aldymen aýyzsha janjal týyndap, keıіn tóbeleske ulasqanyn habarlady. Nátıjesіnde olardyń bіrі dene jaraqatyn alǵan.
Polıtsııa kúdіktіnіń jeke basyn anyqtap, ony basqarmaǵa jetkіzgen. Qazіr áıeldіń qatysýymen qajettі tergeý amaldary júrgіzіlіp jatyr.
Atalǵan derek boıynsha tergeý jalǵasýda.
Material avtory