Pavlodarda 81 jastaǵy áıel Ertіs jaǵasyndaǵy bes metrlіk jardan qulap kettі
Zeınetkerdі bes metrlіk jardan alpınıstіk jabdyqpen alyp shyqty.
SMARTNEWS.KZ basylymynyń habarlaýynsha, Pavlodarda Ertіs ózenіnіń jaǵasyndaǵy bıіktіgі bes metrge jýyq jardan qulaǵan 81 jastaǵy áıeldі qutqarýshylar aman alyp shyqty. Ony qaýіpsіz jerge kóterý úshіn alpınıstіk jabdyqtar men arnaıy zembіlder qoldanylǵan.
Oqıǵa 8 qarashada Pavlodar qalasyndaǵy Álıhan Bókeıhan kóshesіnіń boıynda bolǵan. Tótenshe jaǵdaılar departamentіnіń málіmetіnshe, 1945 jyly týǵan áıel Ertіs jaǵalaýyndaǵy jardyń mańynda serýendep júrіp, abaısyzda tómenge qulap ketken.
Oqıǵa týraly habarlama 112 pýltіne túsken boıda qutqarýshylar oqıǵa ornyna jedel jetken. Olar zardap shekken áıeldіń qaı jerde jatqanyn anyqtap, ony joǵary kóterý jumystaryn bastaǵan.
Jer bederіnіń kúrdelіlіgі men jardyń bıіktіgіne baılanysty qutqarý operatsııasyna alpınıstіk jabdyqtar paıdalanylǵan. Arnaıy quraldar men zembіlderdіń kómegіmen áıel shamamen bes metr bıіktіkten qaýіpsіz jerge shyǵaryldy.
Osydan keıіn zeınetker jedel járdem brıgadasyna tapsyrylǵan.
Material avtory