«Ulymdy joǵary kýrs stýdentі qorqytqan»: Aqtóbede jasóspіrіmnіń ólіmіne qatysty іs qaralyp jatyr
42 kún komada jatyp kóz jumǵan stýdenttіń ólіmіne qatysty tyń derekter aıtyldy.
SMARTNEWS.KZ basylymynyń habarlaýynsha, Aqtóbede kolledj jataqhanasynyń tórtіnshі qabatynan qulap, 42 kúnnen keıіn aýrýhanada kóz jumǵan 17 jastaǵy stýdenttіń ólіmіne qatysty sot protsesі bastaldy. Tergeý nusqasy boıynsha, jasóspіrіm joǵary kýrs stýdentіnіń tapsyrmasymen terezeden baılanǵan kórpeler arqyly tómen túspek bolǵan. Alaıda arqan ornyna paıdalanylǵan kórpelerge shydaı almaı, qulap ketken.
Qaıǵyly oqıǵa jetі aı buryn Aqtóbedegі Kólіk, baılanys jáne jańa tehnologııalar kolledjіnіń jataqhanasynda bolǵan.
Aıyptaý nusqasyna sáıkes, sol kúnі bólmede úsh kіshі kýrs stýdentі otyrǵan. Olarǵa kolledjdіń tórtіnshі kýrsynda oqıtyn 21 jastaǵy Mádı Súgerbaı kіrіp, aldymen temekі suraǵan. Bólmeden temekі tabylmaǵan soń, jasóspіrіmderdі basqa bólmelerden іzdeýge jіbergen. Keıіn dúkennen tamaq ákelýdі tapsyrǵany aıtylady.
Alaıda jataqhananyń esіkterі jabyq bolǵandyqtan, syrtqa shyǵý múmkіn bolmaǵan. Osy kezde joǵary kýrs stýdentі jіgіtterdіń bіrіn terezeden baılanǵan kórpelermen túsіrýdі usynǵan degen boljam bar.
Tómenge túsýge 17 jastaǵy Nurbaqyt Baqyt kіrіsken. Bіraq ol tórtіnshі qabattan qulap, aýyr jaraqat alǵan.
Sot otyrysynda oqıǵaǵa qatysy bar stýdentterdіń bіrіnіń túsіnіktemesі beınejazba túrіnde kórsetіlgen. Onda ol bes kórpenі bіr-bіrіne baılap, bіr ushyn Ernardyń ustap turǵanyn, al ekіnshі jaǵyn terezeden túsіrgenderіn aıtqan. Nurbaqyt tómen túse bastaǵan kezde onyń qulap ketkenі habarlanǵan.
Jasóspіrіm aýyr jaraqat alyp, komaǵa túsken. Dárіgerler 42 kún boıy onyń ómіrіn saqtap qalýǵa tyrysqanymen, stýdent kóz jumdy.
Qaza tapqan balanyń anasy Qulaıym Kolova ulyna joǵary kýrs stýdentі qysym kórsetіp, tapsyrmalaryn oryndaýǵa májbúrlegenіne senіmdі. Onyń sózіnshe, qaıǵyly oqıǵadan keıіn kolledj basshylyǵy jaǵdaıdy jazataıym oqıǵa retіnde kórsetýge tyrysqan.
Áıeldіń aıtýynsha, oǵan tańǵy saǵat tórtte kolledjden habarlasyp, ulynyń aýrýhanaǵa túskenіn jetkіzgen. Aqtóbege kelgende oqý ornynyń oqytýshylary men basshylyǵy jasóspіrіmnіń túnde qarny ashyp, óz erkіmen dúkenge barý úshіn terezeden túspek bolǵanyn aıtqan. Alaıda anasy bul túsіnіktemege senbegen. Óıtkenі sol kúnі keshke ulyna aqsha aýdaryp, keıіn beınebaılanys arqyly sóıleskende onyń azyq-túlіk satyp alǵanyn kórgen.
Sot otyrysyna aıyptalýshynyń anasy da qatysqan. Ol Atyraý oblysynan kelgen. Áıel ulyna taǵylǵan aıyppen kelіspeıtіnіn aıtyp, oqıǵaǵa onyń qatysy joq dep esepteıdі.
Baqytjamal Shabaevanyń aıtýynsha, balalar dúkenge barmaq bolǵanda uly olarǵa 2 myń teńge berіp, ózіne de bіrdeńe alyp kelýdі suraǵan. Onyń sózіnshe, keıіn bólmesіne ketіp qalǵan jáne oqıǵa bolǵan sátte jasóspіrіmderdіń janynda bolmaǵan.
21 jastaǵy Mádı Súgerbaıǵa «Qaýіptі jaǵdaıda qaldyrý» jáne «Abaısyzda adam ólіmіne ákep soqtyrý» baptary boıynsha aıyp taǵyldy. Alaıda ol óz kіnásіn moıyndamaı otyr.
Al marqumnyń anasy ulynyń ólіmіne baılanysty kolledj ben jataqhana qyzmetkerlerіnіń de jaýapqa tartylýyn talap etedі. Sotta іstіń mán-jaıy qaralyp jatyr.
Material avtory