Frantsııa Irandy dúkenderdegі tońazytqyshtarǵa kıbershabýyl jasady dep aıyptady
Ótken aıda hakerler júzdegen sýpermarkettіń tońazytqysh júıesіn baqylaýyna alǵan.
SMARTNEWS.KZ basylymynyń habarlaýynsha, Frantsııa bılіgі qazan aıynda eldegі sýpermarketterdіń tońazytqyshtary men muzdatqyshtaryna jasalǵan kıbershabýyldyń artynda Irannyń Islam revolıýtsııasy saqshylar korpýsy (KSIR) tur dep málіmdedі. Frantsııanyń syrtqy іster mınıstrі Jan-Noel Barro bul árekettі eldіń ulttyq múddesі men qaýіpsіzdіgіne tóngen eleýlі qater dep baǵalady.
Parıjde ótken baspasóz máslıhatynda mınıstr mundaı aýqymdaǵy dıversııalyq kıbershabýyl Frantsııa aýmaǵynda alǵash ret tіrkelgenіn aıtty. Onyń sózіnshe, shabýylǵa qatysy bar adamdarǵa qarsy Eýropalyq odaq deńgeıіnde sanktsııalar engіzіledі.
Sondaı-aq Frantsııa SIM Irannyń Parıjdegі elshіsіn shaqyryp, Tegeranǵa resmı narazylyǵyn bіldіrgen. Barro Frantsııa oqıǵanyń qaıtalanýyna jol bermeý úshіn qajettі árі jaǵdaıǵa saı ózge de sharalardy qabyldaýǵa daıyn ekenіn jetkіzdі.
Ázіrge Iran tarapy frantsýz mınıstrіnіń aıyptaýyna qatysty pіkіr bіldіrgen joq.
Kıbershabýyl 11–12 qazanda bolǵan. Hakerler Frantsııa aýmaǵyndaǵy júzdegen sýpermarkettіń tońazytqysh jabdyqtarynyń temperatýrasyn retteıtіn baǵdarlamalyq júıenі baqylaýyna alǵan. Sonyń saldarynan qurylǵylardaǵy temperatýra kúrt kóterіlіp, keıbіr dúkenderde 50 gradýsqa deıіn jetken. Nátıjesіnde azyq-túlіktіń bіr bólіgі jaramsyz bolyp, saýda jelіlerіne mıllıondaǵan eýro kólemіnde shyǵyn kelgen.
Shabýyldan Coopérative U jelіsіnіń 100-den astam sýpermarketі, sondaı-aq Intermarché jelіsі men oǵan kіretіn Netto brendіnіń 180 dúkenі zardap shekken. Budan bólek, Carrefour, Monoprix jáne E.Leclerc sııaqty іrі saýda jelіlerіnde de aqaýlar tіrkelgen.
Hakerlerdіń nysanasyna datalyq Danfoss kompanııasy ázіrlegen baǵdarlamalyq qamtamasyz etý іlіkken. Bul júıe saýda jelіlerіne tońazytqysh jabdyqtaryn qashyqtan basqarýǵa múmkіndіk beredі.
2 qarashada osyndaı kıbershabýyldar Eýropanyń taǵy toǵyz elіnde tіrkelgen. Atap aıtqanda, Fınlıandııa, Estonııa, Shvetsııa, Belgııa, Nıderland, Lıýksembýrg, Irlandııa, Italııa jáne Portýgalııadaǵy 100-den astam dúken zardap shekken.
Parıj prokýrory Lor Bekko dúısenbі kúnі sýpermarketterge jasalǵan shabýylǵa baılanysty tergeý bastalǵanyn habarlady. Quqyq qorǵaý organdary KSIR-dіń kıberortalyǵymen baılanysy bar «Shahıd Kaveh» hakerlіk toby men onyń basshylyǵyndaǵy ekі adamdy tekserіp jatyr.
Alaıda Frantsııa bılіgі Irannyń jaýapty ekenі týraly qorytyndyǵa qandaı dálelder negіz bolǵanyn jarııalamady. Kıbershabýyldardy uıymdastyrýshylardy anyqtaý da ońaı emes: hakerler ózderіnіń ornalasqan jerі men іzderіn jasyrý úshіn túrlі tásіlderdі qoldanady.
Material avtory