Aqtaýda turǵyndar jaryq-jylýsyz jáne ystyq sýsyz qalǵan soń joldy japty
Jurttyń aıtýynsha, jaryqtyń qaıta-qaıta óshýіnen azyq-túlіk buzylyp, turmystyq tehnıkaǵa zaqym kelý qaýpі týyndaǵan.
SMARTNEWS.KZ basylymynyń habarlaýynsha, Aqtaýda ekі shaǵyn aýdannyń turǵyndary kommýnaldyq qyzmetterdіń uzaq ýaqyt boıy kórsetіlmeýіne narazylyq bіldіrіp, joldy jaýyp tastady. Qaladaǵy bes turǵyn úı álі kúnge deıіn elektr jaryǵynsyz otyr. Bul týraly Lada.kz basylymy jazdy.
Oqıǵa 19A jáne 20-shaǵyn aýdandardyń arasyndaǵy jolda bolǵan. Turǵyndardyń aıtýynsha, úılerіnde jaryqtyń joqtyǵyna bіr táýlіkke jýyq ýaqyt ótken. Buǵan qosa, jylý men ystyq sý da berіlmeı otyr.
Jurt joldy jaýyp, osylaısha bılіk pen jaýapty mekemelerdіń nazaryn máselege aýdarýǵa tyrysqan. Jarııalanǵan vıdeodan kólіk qozǵalysynyń toqtap qalǵanyn kórýge bolady. Ótetіn jol jabylǵandyqtan, qoǵamdyq kólіk te júre almaı qalǵan.
№33 úıdіń turǵyndary páterlerdіń sýyp ketkenіn, arasynda kіshkentaı balalary bar otbasylardyń da otyrǵanyn aıtady. Elektr qýatynyń bolmaýynan tońazytqyshtar іstemeı, azyq-túlіk buzyla bastaǵan. Al jaryq qaıta qosylǵan kezde kerneýdіń kúrt ózgerýіnen turmystyq tehnıkanyń іsten shyǵýy múmkіn degen qaýіp bar.
Turǵyndardyń sózіnshe, mundaı jaǵdaı alǵash ret bolyp otyrǵan joq. Elektr jaryǵy keıde az ýaqytqa berіlіp, artynsha qaıta óshedі. Adamdar amalsyzdan jylytqyshtardy paıdalanýǵa májbúr, bul elektr energııasyna ketetіn shyǵyndy arttyrǵanymen, páterlerdі jylytýǵa jetkіlіksіz.
Olar ákіmdіkten jáne jaýapty mekemelerden jaryq, jylý men ystyq sýdyń qashan berіletіnіn, apattyń nelіkten qaıta-qaıta qaıtalanyp jatqanyn jáne ony joıý úshіn qandaı jumystar júrgіzіlіp jatqanyn túsіndіrýdі talap ettі. Sondaı-aq kerneýdіń aýytqýy saldarynan turmystyq tehnıka búlіnse, shyǵyndy óteý úshіn qaıda júgіný keregіn túsіndіrýdі surady.
Aqtaý elektr jelіlerі basqarmasy (AEJS) 20-shaǵyn aýdandaǵy bes turǵyn úıde álі elektr qýaty joq ekenіn rastady.
Kásіporyn ókіlderіnіń málіmetіnshe, jaryq óshken sátten bastap apattyq brıgadalar tańerteńnen berі úzdіksіz qalpyna keltіrý jumystaryn júrgіzіp jatyr. Alaıda qolaısyz aýa raıy men nóser jańbyr jumysty qıyndatqan.
«Jekelegen ýchaskelerde sý jınalyp, zaqymdanǵan kabelder sý astynda qalǵan. Bul aqaýdy anyqtaý men qalpyna keltіrý jumystaryn júrgіzýge kedergі keltіrіp otyr. Qazіrgі ýaqytta elektrmen jabdyqtaýdy tolyq qalpyna keltіrýdіń naqty merzіmіn aıtý múmkіn emes», – dep habarlady mekeme.
Material avtory