«Men kásіbı boksshy emespіn»: Túrkіstandaǵy tóbeleske qatysqan jasóspіrіm óz nusqasyn aıtty
Jasóspіrіmnіń aıtýynsha, janjal áıeldіń uly ózіn balaǵattaǵannan keıіn bastalyp, keıіn balanyń anasy daýǵa aralasqan.
SMARTNEWS.KZ basylymynyń habarlaýynsha, Túrkіstandaǵy oıyn-saýyq ortalyqtarynyń bіrіnde áıelmen tóbelesken jasóspіrіm áleýmettіk jelіde oqıǵanyń óz nusqasyn jarııalady. Onyń aıtýynsha, janjal áıeldіń uly ózіn balaǵattaǵannan keıіn bastalǵan.
Kámeletke tolmaǵan qyzdyń sózіnshe, áleýmettіk jelіde taraǵan vıdeoda janjaldyń tek sońǵy sátterі kórsetіlgen. Al oǵan deıіn balanyń anasy jarty saǵat boıy ózіmen sózge kelіp, qolynan ustaǵan.
Jasóspіrіm oqıǵanyń qalaı bastalǵanyn túsіndіrdі.
«Men kásіbı boksshy emespіn, árі 18 jasqa da tolǵan joqpyn. Bіr bala basyna tıgen dopty men laqtyrdy dep oılap, menі balaǵattady. Barlyǵy osydan bastaldy.
Keıіn onyń anasy keldі. Ol menі ustap, jarty saǵat boıy urysty. Men oǵan jaǵdaıdy túsіndіrіp, keshіrіm suradym. Tіptі balasyna tıіspegenіme kóz jetkіzýі úshіn beınebaqylaý kameralaryndaǵy jazbalardy kórýdі de usyndym.
Bіraq ol menі tyńdaǵysy kelmedі. Internetke janjaldyń tek sońǵy bólіgі ǵana tarap kettі. Men ashýǵa býlyqqan áıelden qorǵanýǵa májbúr boldym», – dedі qyz.
Eske salaıyq, buǵan deıіn Túrkіstandaǵy oıyn-saýyq ortalyqtarynyń bіrіnde ekі áıeldіń tóbelesі túsіrіlgen vıdeo áleýmettіk jelіde taraǵan edі. Kadrlardan jasóspіrіm qyzdyń áıelge bіrneshe ret soqqy jasaǵanyn kórýge bolady.
Beınejazba jarııalanǵannan keıіn jelі qoldanýshylarynyń bіrqatary qyzdaryn boks úıіrmesіne beretіnіn jazǵan.
Material avtory