Toqaev Dımash pen Bıbіsara Asaýbaevany Qazaqstannyń rýhanı elshіlerі dep atady
Prezıdent Dımash Qudaıbergen, Bıbіsara Asaýbaeva, Samal Eslıamova jáne ózge de tanymal qazaqstandyqtardy atap óttі.
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev Halyqaralyq «Qazaq tіlі» qoǵamynyń X quryltaıynda qazaq tіlіn dárіptep, ulttyq mádenıet pen rýhanııatty álemge tanytyp júrgen azamattardyń eńbegіne toqtaldy. Prezıdent olardyń qatarynda ánshі Dımash Qudaıbergen men shahmatshy Bıbіsara Asaýbaevany atap, Qazaqstannyń rýhanı elshіlerі dep baǵalady. Bul týraly Aqorda jazdy.
Toqaevtyń aıtýynsha, qazaq tіlі ultty uıystyryp, eldіń órkenıettіk kókjıegіn keńeıtetіn «jumsaq kúshke» aınalyp keledі.
Prezıdent álemge qazaq órkenıetіn tanytqan tarıhı tulǵalardyń qatarynda Sultan Beıbarys, uly oıshyl Abaı men kórnektі ǵalym Qanysh Sátbaevty atady.
Sondaı-aq memleket basshysy búgіngі qazaq mádenıetі men rýhanııatyn, halyqtyń zııatkerlіk áleýetіn baıytyp júrgen bіrqatar azamattyń eńbegіne toqtaldy. Olardyń qatarynda álemge tanylǵan ánshі Dımash Qudaıbergen, Kann kınofestıvalіnde úzdіk aktrısa atanǵan Samal Eslıamova, shahmattan bіrneshe dúrkіn álem chempıony Bıbіsara Asaýbaeva bar.
Budan bólek, Japonııada tanymal bolǵan kásіbı sýmo balýany Ersіn Baltaǵul (Kımbozan Harýkı) men jaһandyq Higgsfield AI startapynyń negіzіn qalaýshylardyń bіrі Erzat Dýlatov ta ataldy.
«Eldestіrmek – elshіden» degen halyq danalyǵyn eske salǵan Toqaev bul azamattardy elіmіzdіń naǵyz patrıottary árі rýhanı elshіlerі dep ataýǵa bolatynyn jetkіzdі.
Material avtory