Mekteptegі «Sıstema»: Qarakemerde 3 oqýshynyń ólіmіne qatysty tergeý aıaqtaldy
Ekі kúdіktіge bopsalaý jáne ózіn-ózі óltіrýge deıіn jetkіzý baptary boıynsha aıyp taǵylyp, olar qamaýǵa alyndy.
SMARTNEWS.KZ basylymynyń habarlaýynsha, Jambyl oblysy Qordaı aýdanynyń Qarakemer aýylyndaǵy mektep oqýshylary arasynda óz ıerarhııasy, baǵyný tártіbі men jazalaý erejelerі bar beıresmı top áreket etken. Onyń múshelerі qatarlastarynan aqsha bopsalaǵan. Úsh kámeletke tolmaǵan balanyń qazasyna qatysty tergeý aıaqtalyp, qylmystyq іs sotqa joldandy.
Arnaıy prokýrorlardyń málіmetіnshe, aýyl mektepterіnde «Sıstema» dep atalatyn beıresmı qurylym jumys іstegen. Tergeý barysynda jınalǵan dálelder aqsha bopsalaý derekterі men úsh jasóspіrіmnіń ólіmі arasynda sebep-saldarlyq baılanys bar ekenіn kórsetken.
Osy іske baılanysty ekі kúdіktіge Qylmystyq kodekstіń 194-baby 2-bólіgіnіń 1, 2, 3-tarmaqtary boıynsha (qorqytyp alý), sondaı-aq 105-babynyń 3-bólіgі boıynsha (ózіn-ózі óltіrýge deıіn jetkіzý) aıyp taǵylǵan. Qazіr ekeýі de qamaýda otyr.
Taǵy bes adamǵa Qylmystyq kodekstіń 194-baby 2-bólіgіnіń 1, 2, 3-tarmaqtary boıynsha qorqytyp alý aıyby taǵylǵan. Olarǵa qatysty ózge bultartpaý sharalary qoldanylǵan.
Prokýratýra beıresmı qurylymnyń qyzmetі toqtatylǵanyn habarlady. Sonymen qatar prokýrorlar quqyq buzýshylyqtarǵa jol bergen quzyrly organdardyń áreketterіne quqyqtyq baǵa berіp, mundaı jaǵdaılarǵa sebep bolǵan mán-jaılardy joıý jónіnde usynystar engіzgen. Qazіr tıіstі qujattar qaralyp jatyr.
2026 jylǵy 23 qazanda qylmystyq іs Jambyl oblysynyń kámeletke tolmaǵandardyń іsterі jónіndegі mamandandyrylǵan aýdanaralyq sotyna mánі boıynsha qaraý úshіn joldanǵan.
Aıyptalýshylardyń kіnásіn sot anyqtaıdy. Sot úkіmі zańdy kúshіne engenge deıіn olar kіnásіz dep esepteledі.
Material avtory