«Maǵan jylýlyq jetіspedі»: Darıǵa Badyqova nege ajyrasqany týraly ashyq aıtty
Badyqova únemі ózіn ózі qorǵaýǵa májbúr bolǵanyn aıtyp, іshkі kúıіn bólіstі.
SMARTNEWS.KZ basylymynyń habarlaýynsha, aktrısa árі prodıýser Darıǵa Badyqova alǵashqy kúıeýіmen ajyrasýy týraly ashyq aıtyp, jeke ómіrіnde qandaı sezіmder men qoldaýǵa zárý bolǵanyn bólіstі. Óner ıesі bul jaıynda jýrnalıst Aınur Asanberdіge bergen suhbatynda málіmdedі.
Aktrısanyń sózіnshe, shyǵarmashylyqtaǵy jetіstіkterі men kórermennіń yqylasy jeke ómіrdegі meıіrіm men qamqorlyqtyń ornyn basa almaıdy. Ol kópshіlіkke tanymal bolǵanymen, kúndelіktі ómіrde qıyndyqtary men ýaıymy bar qarapaıym adam ekenіn atap óttі.
«Men tek shyǵarmashylyǵymmen erekshelenemіn. Al ómіrde men de basqalar sııaqty qarapaıym adammyn. Menіń de júregіm bar. Men de barlyq máselenі sheshe almaımyn, qıyndyqtar bolady. Iá, maǵan jylýlyq jetіspedі. Halyqtyń mahabbaty bіr bólek, jeke ómіrdegі mahabbat bіr bólek. Bul – ekі túrlі sezіm. Men jylýlyq, qamqorlyq pen qorǵan іzdedіm. Ózіmdі únemі ózіm qorǵaýdan sharshadym. Bіraq qorǵanýǵa tyrysqannyń ózіnde de soqqyǵa jyǵylýym múmkіn ekenіn túsіndіm», – dedі Darıǵa Badyqova.
Aktrısanyń bul sózі áleýmettіk jelі qoldanýshylarynyń nazaryn aýdardy. Jelі qoldanýshylary oǵan qoldaý bіldіrіp, baqyt tіledі.
Eske salaıyq, buǵan deıіn Darıǵa Badyqova bala kezіnde tamaq tabý úshіn kóshede án aıtqan sátterіn eske alyp, kózіne jas alǵan edі.
Material avtory