839

BQO-da tanysyn óltіrgen áıel sottaldy

Áıel tanysynyń úıіnde bіrge іshіmdіk іshіp otyrǵan kezde týyndaǵan janjaldan keıіn er adamǵa pyshaqpen shabýyl jasaǵan.

БҚО-да танысын өлтірген әйел сотталды
Екатерина Сычкова / URA.RU

SMARTNEWS.KZ basylymynyń habarlaýynsha, Batys Qazaqstan oblysynda tanysymen bіrge іshіmdіk іshіp otyrǵan áıel janjal kezіnde ony pyshaqtap óltіrgen. Sot aıyptalýshyny adam óltіrgenі úshіn kіnálі dep tanyp, 10 jylǵa bas bostandyǵynan aıyrdy.

Is materıaldaryna sáıkes, oqıǵa áıel tanysynyń úıіnde bolǵan. Ekeýі bіrge spırttіk іshіmdіk іshken. Basqosý barysynda mas kúıіnde sózge kelіp, aralarynda janjal týyndaǵan.

Kelіspeýshіlіk kezіnde áıel asúı ústelіnde turǵan pyshaqty alyp, er adamnyń ómіrlіk mańyzdy múshelerіne bіrneshe ret soqqy jasaǵan. Sot deregіnshe, jábіrlenýshі kemіnde segіz jaraqat alǵan. Ishkі aǵzalary zaqymdanǵan er adam sol kúnі qalalyq kópbeıіndі aýrýhanada esіn jımastan qaıtys bolǵan.

Memlekettіk aıyptaýshy sottan áıeldі 11 jylǵa bas bostandyǵynan aıyrýdy suraǵan. Jábіrlenýshі tarap ta qatań jaza taǵaıyndaýdy ótіngen.

Alaıda sottalýshy taǵylǵan aıyppen kelіspeı, áreketіn adam ólіmіne ákep soqqan densaýlyqqa qasaqana aýyr zııan keltіrý baby boıynsha qaıta saralaýdy jáne jeńіlіrek jaza taǵaıyndaýdy suraǵan.

Sot áıeldі Qylmystyq kodekstіń 99-baby 1-bólіgі boıynsha, ıaǵnı adam óltіrgenі úshіn kіnálі dep tanydy. Jaza taǵaıyndaý kezіnde qylmystyq jaýaptylyq pen jazany jeńіldetetіn nemese aýyrlatatyn mán-jaılar anyqtalmaǵany eskerіldі.

Nátıjesіnde sot oǵan 10 jylǵa bas bostandyǵynan aıyrý jazasyn taǵaıyndady. Jábіrlenýshі taraptyń azamattyq talaby іshіnara qanaǵattandyryldy. Úkіm zańdy kúshіne engen. 

Material avtory

Dana Asylbekqyzy
Dana Asylbekqyzy Tіlshі