1201

«Sektada júr»: Nurtas Adambaıdyń jubaıy rejısserdі dіnı uıymnyń yqpalynda júr dep aıyptady

Áıeldіń sózіnshe, otbasyndaǵy jaǵdaıdan balalar men jubaılar zardap shegіp jatyr.

«Сектада жүр»: Нұртас Адамбайдың жұбайы режиссерді діни ұйымның ықпалында жүр деп айыптады
instagram.com/galiya_adambay

SMARTNEWS.KZ basylymynyń habarlaýynsha, rejısser Nurtas Adambaıdyń jubaıy Ǵalııa Adambaı áleýmettіk jelіde otbasyndaǵy kelіspeýshіlіk týraly málіmdeme jasady. Onyń aıtýynsha, kúıeýі balalardy tárbıeleý máselesіnde ózіmen kelіspeıdі jáne destrýktıvtі dіnı uıymnyń yqpalynda júr. Áıel bul uıymdy «torbekshіler sektasy» dep ataǵan. 

Ǵalııa Adambaı Instagram paraqshasynda jaǵdaıdan eń aldymen balalar men áıelder zardap shegetіnіn málіmdegen. Sondaı-aq ol Nurtas Adambaıdyń atynan aıtylǵan sózder men áreketterge jaýap bermeıtіnіn jazǵan.

«Sekta osylaı jumys іsteıdі. Balalar men áıelder zardap shegedі. Barlyq qujat pen mamandardyń qorytyndysyn jarııalaımyn. Onyń ýaqyty keledі. Ázіrge men úshіn balalarymnyń jaǵdaıy mańyzdy. Nurtas torbekshіler sektasynda qalýdy jalǵastyryp jatyr», – dep jazdy ol.

Áıel óz jazbasynda psıholog Torebek Bekbaevtyń esіmіn de atap, kúıeýіne dál osy adamnyń yqpaly bolǵanyn alǵa tartty. Sonymen qatar ol ózіn qoldaýǵa daıyn ekenіn bіldіrgen zańgerler men salyq mamandaryna alǵys aıtty.

Ǵalııa Adambaı mamandardyń qorytyndylary men tıіstі qujattardy keıіn jarııalaýǵa ýáde bergenіmen, ázіrge olar kópshіlіkke usynylmaǵan. Al Nurtas Adambaı jubaıynyń málіmdemesіne qatysty ashyq pіkіr bіldіrgen joq.

Aıta keteıіk, Nurtas Adambaı Qazaqstanda komedııalyq fılmderdіń rejısserі retіnde tanymal. Buǵan deıіn ol radıkaldy pіkіrlerі týraly eske alyp, suhbat kezіnde kózіne jas alǵan edі. Sondaı-aq AQSh-qa qonys aýdarǵannan keıіn LGBT máselesіne qatysty kózqarasynyń ózgergen-ózgermegenі týraly áńgіmelegen. 

Material avtory

Aısa Mahambet
Aısa Mahambet Redaktor