QazUÝ stýdentіnіń ólіmі: Ǵylym mınıstrі polıtsııa pіkіr bіldіrýge tyıym salǵanyn aıtty
Bіrіnshі kýrs stýdentіnіń qaıtys bolǵany týraly aqparat 6 qarashada belgіlі bolǵan edі.
SMARTNEWS.KZ basylymynyń habarlaýynsha, Ál-Farabı atyndaǵy Qazaq ulttyq ýnıversıtetіnde bіrіnshі kýrs stýdentіnіń qazasyna qatysty tergeý jalǵasyp jatyr. Ǵylym jáne joǵary bіlіm mınıstrі Saıasat Nurbek іstіń mán-jaıyn jarııalaýǵa Almaty qalalyq polıtsııa departamentі tyıym salǵanyn málіmdedі.
Mınıstr Quryltaıda ótken brıfıngte ýnıversıtettіń marqumnyń qamqorshylarymen jáne ákesіmen baılanysta ekenіn aıtty. Onyń sózіnshe, oqý orny qajettі shyǵyndardy óz moınyna alyp, buǵan deıіn tólengen qarajatty da qalpyna keltіrgen. Sondaı-aq otbasyǵa qoldaý kórsetý máselesі boıynsha turaqty baılanys ornatylǵan.
Saıasat Nurbektіń aıtýynsha, ýnıversıtet ózіne júktelgen mіndetterdі oryndaǵan. Alaıda tergeý amaldaryna qatysty aqparatty sotqa deıіn jarııalaýǵa bolmaıdy.
«Bіz BAQ ókіlderіnen bul іstі talqylaý kezіnde muqııat bolýdy suraımyz. Tergeý júrіp jatyr. Resmı túsіnіkteme de bergen joqpyz, sebebі Almaty qalalyq polıtsııa departamentі ýnıversıtetke protsessýaldyq áreketter aıaqtalǵansha jarııalanymdarǵa qatysty saq bolýdy qatań eskerttі», – dedі mınıstr.
Eske salaıyq, Almatydaǵy Ál-Farabı atyndaǵy QazUÝ jýrnalıstıka fakýltetіnіń bіrіnshі kýrsynda oqyǵan qyzdyń qaıtys bolǵany týraly aqparat 6 qarashada taraǵan edі.
Material avtory