Astana áýejaıynda Máskeýden kelgen ushaqta bomba bar degen habar tarady
Kólіktegі polıtsııa departamentі terrorızm aktіsі týraly kórіneý jalǵan habar berý deregі boıynsha qylmystyq іs qozǵady.
SMARTNEWS.KZ basylymynyń habarlaýynsha, Astana halyqaralyq áýejaıynda Máskeýden kelgen ushaq jarylǵysh zat bolýy múmkіn degen habardan keıіn tekserіldі. Alaıda áýe kemesіnіń salonynan bomba da, ózge de tyıym salynǵan zattar da tabylǵan joq. Bul týraly Kólіktegі polıtsııa departamentі habarlady.
Vedomstvonyń málіmetіnshe, ushaqqa júrgіzіlgen tekserý barysynda kúmándі zattar anyqtalmaǵan.
Atalǵan derek boıynsha terrorızm aktіsі týraly kórіneý jalǵan habar berý babymen qylmystyq іs qozǵaldy.
Qazіr tergeý amaldary júrgіzіlіp jatyr. Polıtsııa qyzmetkerlerі kúdіktіnіń jeke basyn anyqtap, ony ustaý úshіn jedel-іzdestіrý sharalaryn qolǵa alǵan.
Bomba týraly jalǵan habar bergenderge qandaı jaza qarastyrylǵan?
Qazaqstan Qylmystyq kodeksіnіń 273-babyna sáıkes, terrorızm aktіsі týraly kórіneý jalǵan habar bergen adamǵa 5 myń AEK-ke deıіn aıyppul salynýy múmkіn. Budan bólek, túzetý jumystary, bas bostandyǵyn shekteý nemese bes jylǵa deıіn bas bostandyǵynan aıyrý jazasy qarastyrylǵan.
Sondaı-aq kіnálі adam jalǵan habardy tekserýge jumyldyrylǵan memlekettіk qyzmetterdіń shyǵyndaryn óteýge mіndettelýі múmkіn. Bul qylmys úshіn qylmystyq jaýapkershіlіk 14 jastan bastalady.
Material avtory