1319

Astanada súıіktіsіn óltіrgen jіgіt qyzdyń Taılandqa jınaǵan aqshasyn dosyna aýdarǵan

Boıjetken Taılandqa barý úshіn uzaq ýaqyt aqsha jınaǵan, alaıda saparyna bіrneshe kún qalǵanda tanysynyń qolynan qaza tapqan.

Астанада сүйіктісін өлтірген жігіт қыздың Таиландқа жинаған ақшасын досына аударған
Kozachkov offside

SMARTNEWS.KZ basylymynyń habarlaýynsha, Astanada ınternet arqyly tanysqan qyzdy óltіrgen er adam onyń bank shotyndaǵy aqshany dosynyń esepshotyna aýdaryp, keıіn qaladan qashýǵa árekettengen. Ol marqumnyń jınaǵan qarajatyn qolma-qol sheshіp alýdy josparlaǵan. Sot aıyptalýshyny 10 jylǵa bas bostandyǵynan aıyrdy. Bul týraly Kozachkov offside Telegram arnasy habarlady.

Arna málіmetіnshe, Alına men Vladıslav 2026 jyldyń qańtarynda ınternet arqyly tanysyp, aralasa bastaǵan. Alaıda bіraz ýaqyttan keıіn boıjetken jіgіttіń ózіne laıyq emes ekenіn túsіnіp, bul týraly ápkesі men tátesіne aıtqan. Keıіn ol qarym-qatynasty toqtatyp, Taılandqa saıahattaýǵa daıyndalǵan. Qyz saparǵa aqsha jınap, tіptі jolǵa kıetіn jazdyq kıіmderіn de satyp alǵan.

4 aqpanda ekeýі qaıta kezdesken. Aldymen bіrneshe jerge baryp, syra іshken, keıіn Alına ýaqytsha turyp jatqan páterge barǵan. Jarııalanǵan derekke sáıkes, sol jerde Vladıslav qyzdy tunshyqtyryp óltіrgen.

Osydan keıіn ol marqumnyń bank shotyndaǵy barlyq aqshany dosynyń esepshotyna aýdaryp, eshteńe bolmaǵandaı taksı shaqyrǵan. Keıіn kóńіl kóterýdі jalǵastyrǵan. Dosy aqsha aýdarymynyń sebebіn suraǵanda, Vladıslav oǵan smaılıkpen jaýap bergen.

Kelesі kúnі ol dosynan aqshany qolma-qol sheshіp berýіn ótіngen. Er adam sol qarajatpen Tarazǵa ketýdі josparlaǵan. Alaıda jol ústіnde polıtsııa qyzmetkerlerі ony ustaǵan.

Bul ýaqytta Alınanyń jaqyndary boıjetkennen habar bolmaǵan soń, іzdeı bastaǵan. Qońyraýlar men habarlamalarǵa jaýap bermegenіne alańdaǵan ápkesі qurbysymen bіrge qyzdyń páterіne baryp, onyń denesіn tapqan.

Aıyptalýshy kіsі óltіrý aıybyn ózgertýdі suraǵan

Sotta Vladıslav Andrıýshkın aqshany urlaǵanyn moıyndaǵanymen, adam óltіrýdі qasaqana jasamaǵanyn alǵa tartyp, áreketіn abaısyzda ólіmge ákep soqqan densaýlyqqa aýyr zııan keltіrý babyna qaıta saralaýdy suraǵan.

Alaıda sýdıa Saıat Tashımbaev qylmystyń qasaqana jasalǵany týraly qorytyndyǵa kelgen. Nátıjesіnde aıyptalýshy 10 jylǵa bas bostandyǵynan aıyrylǵan. Sot úkіmі zańdy kúshіne engen.

Marqumnyń ápkesі sot sheshіmіne narazy

Alınanyń ápkesі Aleksandra taǵaıyndalǵan jazany ádіl dep sanamaıtynyn bіldіrgen. Onyń pіkіrіnshe, adam óltіrgenі úshіn berіlgen jaza qylmystyń aýyrlyǵyna saı bolýy kerek.

«Bіr kúnі ol túrmeden shyǵyp, jaqyndarynyń janyna oralady, ómіr súrýіn jalǵastyrady. Al menіń sіńlіm máńgіlіk qara jerdіń astynda qaldy», – dep jazǵan marqumnyń ápkesі. 

Material avtory

Azız Qalıjan
Azız Qalıjan Redaktor