Petropavlda joǵalǵan 13 jastaǵy balany peshtіń іshіnen tapty
13 jastaǵy oqýshy tańerteń úıіnen shyǵyp joǵalyp ketken.
SMARTNEWS.KZ basylymynyń habarlaýynsha, Soltústіk Qazaqstan oblysynyń Petropavl qalasynda tańerteń úıіnen shyǵyp, qaıta oralmaǵan 13 jastaǵy oqýshyny polıtseıler sándіk peshtіń іshіnen tapty. Altynshy synyp oqýshysy sýyqtan qorǵaný úshіn peshke kіrіp, sol jerde uıyqtap qalǵan.
Polıtsııaǵa balanyń joǵalǵany týraly habar 10 qarasha kúnі saǵat 17:30 shamasynda túsken. Jumysshy kentіnіń turǵyny tańerteń úıden shyqqan ulynyń álі oralmaǵanyn aıtyp, kómek suraǵan. Jasóspіrіmnіń janynda uıaly telefony bolmaǵan.
Oqýshyny іzdeýge patrýldіk polıtsııa jasaqtary men arnaıy jedel áreket etý bólіmshesіnіń qyzmetkerlerі jumyldyrylǵan. Sonymen qatar kenttіń adam jetýі qıyn aýmaqtary men mańaıyn tekserý úshіn úsh dron іske qosylǵan. Polıtseıler beınebaqylaý kameralaryndaǵy jazbalardy da qarap shyqqan.
Izdeý jumystaryna Petropavl qalalyq polıtsııa basqarmasynyń ekіnshі polıtsııa bólіmіnіń jedel ýákіlі Tórebek Qalelov qatysqan. Ol kamera jazbalarynan balany baıqap, júrіp ótken baǵytyn anyqtaǵan. Beınejazbalar jasóspіrіmnіń kent shetіndegі Zaıtsev kóshesіne qaraı bet alǵanyn kórsetken.
Saǵat 18:30 shamasynda polıtseıler balany úılerdіń bіrіnіń janynda ornatylǵan sándіk peshtіń іshіnen tapqan. Jasóspіrіm tártіp saqshylaryna tońǵandyqtan jylyný úshіn peshke kіrіp, uıyqtap qalǵanyn aıtqan. Keıіn ony aman-esen úıіne jetkіzgen.
Vedomstvo málіmetіnshe, bala buǵan deıіn úıіnen ketіp kórmegen. Onyń mundaı áreketke barý sebebіn kámeletke tolmaǵandar іsterі jónіndegі polıtsııa qyzmetkerlerі anyqtaıdy. Qazіr jasóspіrіmmen jáne ata-anasymen profılaktıkalyq áńgіme júrgіzіlgen.
Material avtory