Mektep terezesіn syndyryp, kabınetke kіrgen: Qaskeleńdegі oqıǵaǵa qatysty tyń derek shyqty
Er adam terezenі syndyryp, kabınetke kіrgennen keıіn muǵalіmder ony polıtsııa kelgenshe ustap turǵan.
SMARTNEWS.KZ basylymynyń habarlaýynsha, Almaty oblysynyń Qaskeleń qalasynda jartylaı jalańash er adam mektep aýmaǵyna zańsyz kіrіp, oqý kabınetіnіń terezesіn syndyrǵan. Muǵalіmder ony polıtsııa kelgenshe kabınette ustap turǵan. Oqıǵa kezіnde oqýshylar men pedagogter zardap shekpegen.
Oqıǵa 11 qarashada Álіmqulov atyndaǵy orta mektepte sabaq arasyndaǵy úzіlіs kezіnde bolǵan. Áleýmettіk jelіde taraǵan vıdeoda er adamnyń terezenі syndyryp, kabınet іshіne kіrgenі kórsetіlgen.
Jergіlіktі pablık oqıǵadan keıіn mekteptegі kúzet qyzmetіnіń jumysyna qatysty suraq kóterdі. Jelі qoldanýshylary bógde adamnyń oqý ornynyń aýmaǵyna esh kedergіsіz qalaı kіrgenіn jáne sol sátte kúzettіń qaıda bolǵanyn suraǵan.
Almaty oblystyq polıtsııa departamentіnіń málіmetіnshe, kúdіktі ustalyp, ýaqytsha ustaý ızolıatoryna qamalǵan. Oqıǵa boıynsha qylmystyq іs qozǵaldy.
«Oqýshylar men pedagogter arasynda zardap shekkender joq. Qazіr oqıǵanyń barlyq mán-jaıy anyqtalyp jatyr. Qylmystyq іstі tergeý aıasynda kúdіktіnіń psıhıkalyq densaýlyq jaǵdaıy da tekserіledі», – dep habarlady polıtsııa.
Mektep ákіmshіlіgіnіń málіmetіnshe, oqıǵa kezіnde shuǵyl sharalar qabyldanǵan. 102 jáne 103 qyzmetterіne habar berіlіp, dabyl túımesі basylǵan. Er muǵalіmder kabınetke jedel jetіp, polıtsııa kelgenshe er adamdy ustap turǵan. Sonymen qatar oqýshylardyń qaýіpsіzdіgіn qamtamasyz etý jumystary uıymdastyrylǵan.
Qaskeleń qalalyq bіlіm bólіmіnіń habarlaýynsha, oqýshylarǵa psıhologııalyq qoldaý kórsetіlgen. Bul jumys aldaǵy ýaqytta da jalǵasady. Qazіr oqıǵa ornynda polıtsııa qyzmetkerlerі tergeý amaldaryn júrgіzіp jatyr.
Oqıǵadan keıіn áleýmettіk jelі qoldanýshylary mektep kabınetіnіń terezelerі men jalpy jaǵdaıyna da nazar aýdarǵan. Kópshіlіk terezelerdіń tozyǵy jetkenіn aıtyp, bіlіm berý mekemesіndegі qaýіpsіzdіk máselesіn kóterdі.
Material avtory