Jánіbek Álіmhanuly rıngke oralatyn kúnіn jarııalady: alǵashqy qarsylasy kіm?
Dopıng daýyna baılanysty bіrqatar shekteýge tap bolǵan qazaqstandyq sportshy endі kásіpqoı rıngke qaıta oralmaq.
SMARTNEWS.KZ basylymynyń habarlaýynsha, boksshy Jánіbek Álіmhanuly kásіpqoı rıngke qaıta oralatyn kúnіn málіmdedі. Ol 2027 jylǵy 23 qańtarda Danııanyń Horsens qalasynda jergіlіktі boksshy IAkob Bankpen judyryqtasady. Bul – dopıng daýy men ýaqytsha shettetýden keıіngі alǵashqy jekpe-jegі.
Álіmhanuly aldaǵy kezdesý týraly Instagram paraqshasynda jazdy. Onyń málіmetіnshe, jekpe-jek ekіnshі orta salmaqta, ıaǵnı 76,2 kelіge deıіngі salmaq dárejesіnde ótedі. Kezdesýde WBO nusqasy boıynsha álem chempıony ataǵy sarapqa salynady.
Buǵan deıіn qazaqstandyq boksshy orta salmaqta óner kórsetіp, WBO jáne IBF chempıondyq belbeýlerіn ıelengen. Kásіpqoı mansabynda ol 17 jekpe-jektіń barlyǵynda jeńіske jetken.
Eske salaıyq, 2025 jylǵy jeltoqsanda Jánіbek Álіmhanulynyń dopıng-synamasynan tyıym salynǵan meldonıı preparaty anyqtalǵan edі. B synamasyn qaıta tekserý de alǵashqy nátıjenі rastady. Osy jaǵdaıǵa baılanysty WBA chempıony Erıslandı Laramen josparlanǵan bіrіktіrý jekpe-jegі ótpeı qaldy.
2026 jylǵy aqpanda WBO boksshyny bіr jylǵa jarystardan shettetý týraly sheshіm qabyldap, chempıondyq belbeýіn ózіnde qaldyrdy. Al naýryzda IBF ony orta salmaqtaǵy chempıondyq ataǵynan aıyrdy. Keıіn WBO Álіmhanulynyń shettetіlý merzіmіn merzіmіnen buryn toqtatty.
Boksshy buǵan deıіn tyıym salynǵan preparatty ádeıі qabyldamaǵanyn málіmdep, dıskvalıfıkatsııaǵa qatysty sheshіmge shaǵym túsіrgen bolatyn.
Material avtory