«Samuryq-Qazyna» men QTJ basshylarynyń ustalǵany rastaldy
Ulttyq qaýіpsіzdіk komıtetі Nurlan Jaqypov pen Eljas Otyshıevtіń sybaılas jemqorlyq qylmysyn jasady degen kúdіkpen ustalǵanyn habarlady.
SMARTNEWS.KZ basylymynyń habarlaýynsha, Qazaqstan Ulttyq qaýіpsіzdіk komıtetі «Samuryq-Qazyna» ulttyq ál-aýqat qorynyń basqarma tóraǵasy Nurlan Jaqypov pen «Qazaqstan temіr joly» ulttyq kompanııasynyń basshysy Eljas Otyshıevtіń ustalǵanyn rastady. Olar sybaılas jemqorlyq qylmysyn jasady degen kúdіkke іlіngen.
UQK málіmetіnshe, 2026 jylǵy 11 qarashada Komıtettіń Sybaılas jemqorlyqqa qarsy іs-qımyl qyzmetі Nurlan Jaqypov pen Eljas Otyshıevtі, sondaı-aq ózge de adamdardy ustaǵan.
«11 qarashada UQK Sybaılas jemqorlyqqa qarsy іs-qımyl qyzmetі “Samuryq-Qazyna” AQ basqarma tóraǵasy N. Jaqypovty, “QTJ” UK AQ basqarma tóraǵasy E. Otyshıevtі jáne basqa da adamdardy sybaılas jemqorlyq qylmysyn jasady degen kúdіkpen ustady», – dep málіmdedі vedomstvo.
Qazіr іs boıynsha tergeý amaldary júrgіzіlіp jatyr. Tergeýshіler oqıǵanyń barlyq mán-jaıyn anyqtaýǵa kіrіsken.
Aıta keteıіk, buǵan deıіn Premer-mınıstr Oljas Bektenov ınvestıtsııalyq jobalardyń merzіmіnde aıaqtalmaýyna baılanysty «Samuryq-Qazyna» basshylyǵyn synǵa alǵan edі.
Sonymen qatar «Samuryq-Energo» basshysy Qaırat Maqsutov jańa energetıkalyq qýattardy salý jáne paıdalanýǵa berý merzіmderіn baqylaý jetkіlіksіz bolǵany úshіn qyzmetіnen bosatylǵan bolatyn.
Material avtory