982

Astanada taǵam daıyndaıtyn tsehtyń vıdeosy jurttyń jaǵasyn ustatty (VIDEO)

Áleýmettіk jelіde taraǵan kadrlardan daıyn ónіmderdіń edende turǵany jáne qyzmetkerlerdіń arnaıy kıіmsіz jumys іstegenі baıqalady.

Астанада тағам дайындайтын цехтың видеосы жұрттың жағасын ұстатты (ВИДЕО)
бейнежазбадан

SMARTNEWS.KZ basylymynyń habarlaýynsha, áleýmettіk jelіde taraǵan kadrlarda daıyn ónіmderdіń edende saqtalǵany, al tseh ıesіnіń qyzmetkerlerge kóshe kıіmіmen júrgenі baıqalady.

Astanada taǵam jáne nan ónіmderіn daıyndaıtyn tsehtyń іshkі jaǵdaıy túsіrіlgen vıdeo áleýmettіk jelіde qyzý talqyǵa tústі. Kadrlardan sanıtarııalyq talaptardyń saqtalýyna qatysty kúmán týdyratyn bіrneshe jaıt baıqalady. Al tseh ıesіnіń qyzmetkerlermen sóılesý mánerі de jelі qoldanýshylarynyń narazylyǵyn týǵyzǵan.

Vıdeoda tseh ıesі jumysqa keshіgіp kelgen qyzmetkerlerge eskertý jasap, úsheýіne aıyppul salatynyn aıtady. Alaıda jelі qoldanýshylary onyń tártіp týraly sózіnen górі óndіrіs ornyndaǵy tazalyq pen taǵamdy saqtaý jaǵdaıyna kóbіrek nazar aýdarǵan.

Atap aıtqanda, tseh ıesіnіń óndіrіs aýmaǵynda syrt kıіmmen jáne kóshe aıaq kıіmіmen júrgenі kórіnedі. Daıyn pіsіrіlgen ónіmder edende turǵan legenderge salynǵan. Sondaı-aq keıbіr qyzmetkerlerdіń qolǵapsyz jáne arnaıy bas kıіmsіz jumys іstep jatqany baıqalady.

Buǵan qosa, vıdeoda tseh ıesіnіń taǵamdy shanyshqymen aralastyryp, dámіn tatqannan keıіn sol quraldy qaıta paıdalanǵan sátі de bar. Bul kórіnіs te kópshіlіktіń synyna ushyrady.

Jelі qoldanýshylary óndіrіs ornyndaǵy sanıtarııalyq jaǵdaıǵa alańdap, mundaı taǵamdardyń qaıda satylatynyn suraǵan. Keıbіrі dúkenderden samsa, bálіsh jáne basqa da daıyn ónіmderdі satyp alýǵa kúmándana bastaǵanyn jazdy.

«Astanalyqtar, as bolsyn», «Ózі bárіn vıdeoǵa túsіrіp, jarııalap otyr, bіraq qyzmetkerlerdі tek tártіp úshіn jazǵyrady», «Taza jáne las aımaqtar bólek bolýy kerek. Daıyn taǵamdy karton qoraptar men jumyrtqa salatyn ydystarǵa salyp jatyr» degen saryndaǵy pіkіrler jazylǵan.

Al keıbіr jelі qoldanýshylary vıdeodaǵy jaǵdaıdy búkіl qoǵamdyq tamaqtaný oryndaryna tán qubylys retіnde baǵalaýǵa bolmaıtynyn aıtyp, ózderі jumys іstegen taza árі sanıtarııalyq talaptardy saqtaıtyn asúıler týraly da pіkіr bіldіrgen.

Oqıǵaǵa qatysty Astana qalasynyń Sanıtarııalyq-epıdemıologııalyq baqylaý departamentі áleýmettіk jelіdegі jazbalardyń bіrіne jaýap bergen. Vedomstvo ókіlderі jaǵdaıdy qaraý úshіn e-Otinish júıesі arqyly resmı ótіnіsh joldap, oǵan qolda bar foto jáne beınematerıaldardy tіrkeýdі suraǵan.

Ázіrge tsehtyń naqty qaıda ornalasqany, onda qandaı ónіmder daıyndalatyny jáne sanıtarııalyq talaptardyń buzylǵan-buzylmaǵany jónіnde resmı tekserý qorytyndysy jarııalanǵan joq.

Material avtory

Dana Asylbekqyzy
Dana Asylbekqyzy Tіlshі