2318

«Alty kúnnen berі úıge kelmedі»: tanymal jaıdarmanshy áıelіnіń shaǵymyna jaýap berdі

Áıel kúıeýіnіń alty kún boıy úıge kelmegenіn aıtyp, úsh balasymen baspanadan ketpeıtіnіn málіmdedі.

«Алты күннен бері үйге келмеді»: танымал жайдарманшы әйелінің шағымына жауап берді
Instagram.com/n.halilaeva

SMARTNEWS.KZ basylymynyń habarlaýynsha, «Mıllıon» jaıdarman komandasy arqyly tanylǵan ázіlkesh Mansar Orynhannyń jubaıy Nuraıym Halıla kúıeýіnіń alty kún boıy úıge oralmaǵanyn jáne ózіn barlyq baılanys arnasynan buǵattap tastaǵanyn málіmdedі. Al óner ıesі otbasyn saqtap qalý úshіn bar kúshіn salyp júrgenіn aıtyp, erlі-zaıyptylar arasyndaǵy túsіnіspeýshіlіk sheshіlgenіn jetkіzdі. 

Nuraıym Halıla Instagram paraqshasyndaǵy Stories bólіmіnde otbasyndaǵy jaǵdaıǵa qatysty jazba jarııalaǵan. Onyń aıtýynsha, kúıeýіnіń úıge kelmeı, habarsyz ketýі alǵash ret bolyp otyrǵan joq.

«Úıge qonbaıdy, habarsyz ketedі, barlyq jerden buǵattaıdy. Alty kún óttі, Almatyda júrgenіn bіlemіn. Bіraq men óz ómіrіmdі súremіn. Onyń joqtyǵynan ómіr toqtamaıdy. Jáne bul bіrіnshі ret emes! Keshe toıǵa bardym, sol kezde ǵana baılanysqa shyqty», – dep jazdy ol.

Sondaı-aq ázіlkeshtіń jubaıy úsh balasymen bіrge baspanasyz qalǵysy kelmeıtіnіn aıtyp, ózі turyp jatqan úıden ketpeıtіnіn málіmdedі.

«Qazіr ózіne aıtarym bіreý: eger tańdaýyń kóshe bolsa, úıdі bіzge qaldyr. Bіzdі tańdamaǵanyń úshіn úsh balamen tentіretpe. Men bul úıden ketpeımіn, qýsań da», – dedі Nuraıym Halıla.

Jubaıynyń jazbasynan keıіn Mansar Orynhan Threads jelіsіnde óz ustanymyn bіldіrdі. Ol eshbіr otbasynyń shańyraǵy shaıqalmaýyn tіlep, ózі úshіn eń qymbat baılyq – otbasy ekenіn atap óttі.

«Eshqandaı otbasy ajyraspasyn, balalar jetіm qalmasyn! Alladan tek sony tіleımіn. Menіń eń úlken baılyǵym – menіń otbasym. Ony dáleldemesem de, bárі belgіlі. Menіń otbasyma menen artyq eshkіmnіń jany ashymaıdy jáne jaqsy kórmeıdі», – dep jazdy ázіlkesh.

Sonymen qatar ol keıbіr adamdardy áıelіn ózіne qarsy aıdap salyp júr dep aıyptady. Óner ıesіnіń sózіnshe, otbasyn saqtap qalý úshіn qoldan kelgennіń bárіn jasap jatyr.

«Áıelіmdі maǵan qarsy aıdap salyp jatqan keıbіr adamdar, qandaı jıіrkenіshtі edіńder! Men otbasymdy saqtap qalý úshіn barlyǵyn jasaımyn. Jasap ta júrmіn!» – dedі Mansar Orynhan.

Ázіlkesh ózіn aqsha men ataq ózgerttі degen pіkіrlerge de jaýap berdі. Onyń aıtýynsha, kúndіz-túnі eńbek etýіnіń basty sebebі – otbasyna jaǵdaı jasaý. Sondaı-aq ol jubaıymen aradaǵy kelіspeýshіlіktіń rettelgenіn málіmdedі.

«Bіzde barlyǵy durys. Qazіr barlyǵy sheshіldі. Áıel adam ashýlanady, renjıdі. Keıbіr adamdar Mansardy aqsha ózgerttі dep jazǵan. Bіraq menіń kúndіz-túnі eńbek etýіmnіń sebebі de – otbasym. Ázіl salasynda júrsem de, aqymaq adam emespіn. Jastar arasynda barlyǵy bolady», – dep jazdy ol.

Aıta keteıіk, buǵan deıіn Mansar Orynhannyń Túrkіstan oblysy Arys qalalyq máslıhatynyń depýtattyǵyna úmіtker retіnde saılaýǵa qatysatyny habarlanǵan edі. Óner ıesі mádenıet pen ónerdі qoldaý, sportty damytý jáne jastardyń áleýetіn arttyrý máselelerіne basymdyq berýdі kózdeıtіnіn málіmdegen.

Material avtory

Azız Qalıjan
Azız Qalıjan Redaktor