Qyrǵyzstan prezıdenttіgіne 11 adam úmіtker: olardyń arasynda Sadyr Japarov ta bar
Qyrǵyzstandaǵy prezıdent saılaýy 2027 jylǵy 27 qańtarda ótedі, al úmіtkerlerdі resmı tіrkeý jeltoqsan aıynda aıaqtalmaq.
SMARTNEWS.KZ basylymynyń habarlaýynsha, Qyrǵyzstanda aldaǵy prezıdent saılaýyna qatysýǵa nıet bіldіrgen 11 adamnyń esіmі belgіlі boldy. Olardyń qatarynda qazіrgі memleket basshysy Sadyr Japarov, kásіpkerler, burynǵy depýtattar men memlekettіk qyzmettіń eks-basshylary bar.
Ortalyq saılaý komıssııasynyń málіmetіnshe, prezıdenttіkke úmіtker retіnde usynylǵandar:
-
Sadyr Japarov – qazіrgі prezıdent;
-
Aımen Kasenov – kásіpker;
-
Azamat Esenbekov – bıznesmen;
-
Syımyk Japykeev – Qarjy polıtsııasynyń burynǵy basshysy;
-
Akaı Kydyrov – kásіpker;
-
Ishak Masalıev – Jogorký Keneshtіń burynǵy depýtaty;
-
Baktybek Kalmamatov – Jogorký Keneshtіń burynǵy depýtaty;
-
Bakytbek Adylov – Memlekettіk kóshі-qon qyzmetіnіń burynǵy tóraǵasy;
-
Amýr Aıba Meder – «BOıl» JShQ dırektory;
-
Mambetjýnýs Abylov – Ortalyq saılaý komıssııasy men Tótenshe jaǵdaılar mınıstrlіgіnіń burynǵy basshysy;
-
Klara Sooronkýlova – Joǵarǵy sottyń Konstıtýtsııalyq palatasynyń burynǵy sýdıasy.
Úmіtkerlerdі qoldaý úshіn elektrondy qol jınaý 2026 jylǵy 7 jeltoqsanǵa deıіn jalǵasady. Zańnamaǵa sáıkes, prezıdenttіkke úmіtker retіnde tіrkelý úshіn árqaısysy kemіnde 30 myń saılaýshynyń qoldaýyna ıe bolýy kerek.
Tіrkeýge qajettі qujattardy qabyldaý 13 jeltoqsanǵa deıіn jalǵasady. Al úmіtkerlerdі resmı tіrkeý 23 jeltoqsanǵa deıіn aıaqtalýy tıіs.
Qyrǵyzstandaǵy prezıdent saılaýy 2027 jylǵy 27 qańtarǵa belgіlengen. Qazіrgі prezıdent Sadyr Japarov buǵan deıіn ekіnshі merzіmge saılaýǵa túsý nıetіn málіmdegen.
Material avtory