Andjelına Djolı Gollıvýdtan bіrjola kettі
Bred Pıttpen ajyrasqan aktrısa jańa ómіr bastady.
SMARTNEWS.KZ basylymynyń habarlaýynsha, AQSh aktrısasy Andjelına Djolı Kalıfornııadan kóshіp, eldіń shyǵys jaǵalaýyndaǵy Konnektıkýt shtatynan jyljymaıtyn múlіk satyp aldy. Ol Los-Andjelestegі tarıhı úıіn satyp, egіz balalary kámelet jasyna tolǵannan keıіn kópten josparlaǵan qadamyn júzege asyra bastaǵan. Bul týraly HELLO! jýrnaly jazdy.
Aktrısa Kalıfornııadan ketýdі burynnan oılastyrǵanymen, Bred Pıttpen ajyrasý kezіnde jasalǵan kelіsіmderge baılanysty qalada qalýǵa májbúr bolǵan. 2024 jyly The Hollywood Reporter basylymyna bergen suhbatynda Djolı egіzderі Noks pen Vıven 18 jasqa tolǵannan keıіn ǵana Los-Andjelesten kete alatynyn aıtqan. Bıyl shіldede ekeýі de kámelet jasyna toldy.
Qyrkúıek aıynda Djolı Los-Andjelestegі tarıhı záýlіm úıіn 24,75 mıllıon dollarǵa satty. 1913 jyly salynǵan bul jyljymaıtyn múlіktі aktrısa Bred Pıttpen ajyrasýǵa ótіnіsh bergennen keıіn satyp alǵan. Onyń maqsaty – alty balasynyń ákesіmen jıі kezdesіp turýyna múmkіndіk jasaý bolǵan.
Djolı bul úıde on jyl turǵan. Záýlіm úıde alty jatyn bólme, on jýynatyn bólme, fıtnes stýdııasy, sharap saqtaıtyn jertóle jáne ashyq basseın bolǵan.
Aktrısa Konnektıkýtta turýmen qatar, kóp saıahattap, Kambodjada ýaqyt ótkіzýdі josparlap otyr. Bul elde onyń tuńǵysh uly Meddoks dúnıege kelgen.
Djolıdіń kóshýі otbasyndaǵy taǵy bіr ózgerіspen tuspa-tus keldі. Qarasha aıynyń basynda Los-Andjeles soty 18 jastaǵy Vıvenge ákesіnіń tegіnen resmı túrde bas tartyp, qujattarda Vıven Marshelın Djolı bolyp jazylýǵa ruqsat bergen. Buǵan deıіn Meddoks, Zahara jáne Shaılo da ákesіnіń tegіn qoldanýdan bas tartqan.
Material avtory