Toqaev «Samuryq-Qazyna» men QTJ-daǵy jemqorlyqty «asa mańyzdy belgі» dep atady
Toqaev Úkіmetke 24 qarashaǵa deıіn jemqorlyqpen kúres jónіnde usynys ázіrleýdі tapsyrdy
SMARTNEWS.KZ basylymynyń habarlaýynsha, Qazaqstan prezıdentі Qasym-Jomart Toqaev ulttyq kompanııalardaǵy sybaılas jemqorlyq quqyqbuzýshylyqtary memlekettіk sektordyń eń osal tustarynyń bіrі ekenіn málіmdedі. Memleket basshysy Úkіmet pen baqylaýshy organdarǵa 24 qarashaǵa deıіn jemqorlyq derekterіn barynsha azaıtý jáne kvazımemlekettіk sektordaǵy kompanııalardyń jumys sapasyn jaqsartý jónіnde usynys ázіrleýdі tapsyrdy.
Prezıdent bul týraly «Samuryq-Qazyna» qory men «Qazaqstan temіr joly» basshylarynyń ustalýyna baılanysty ótken Qaýіpsіzdіk keńesіnіń otyrysynda aıtty. Eske salaıyq, 12 qarashada Ulttyq qaýіpsіzdіk komıtetі atalǵan kompanııalardyń basshylary men ózge de tulǵalardyń sybaılas jemqorlyqqa qatysty kúdіkpen ustalǵanyn rastaǵan edі.
Toqaev joǵary laýazym ıelerіnіń jaýapkershіlіgіne erekshe toqtaldy. Onyń aıtýynsha, adamnyń qyzmetі, eńbegі nemese týystyq baılanystary ony zań talaptarynan bosatpaıdy.
«Joǵary laýazymǵa ıe bolý – árqashan joǵary jaýapkershіlіktі durys túsіný degen sóz. Qoǵamymyzda atqaratyn laýazymyna, sіńіrgen eńbegіne nemese tamyr-tanystaryna, sonyń іshіnde týystyq baılanystaryna qaramastan, eshkіm de zańnan attap kete almaıdy. Bul – men úshіn myzǵymaıtyn ustanym», – dedі memleket basshysy.
Prezıdent sońǵy ýaqytta keıbіr kelіsіmder men sharttardyń qaıta qaralǵanyn, olardyń bastapqyda jasalýy qate sheshіm bolǵanyn da atap óttі. Sonymen bіrge bılіktіń kásіpkerlerge kedergі keltіrý nıetі joq ekenіn aıtty. Kerіsіnshe, memleket bızneske qoldaý kórsetýdі jalǵastyrady.
Osy oraıda Toqaev 2027 jylǵy 1 qańtardan bastap shaǵyn kásіpkerlіk sýbektіlerіn tekserýge taǵy úsh jyldyq moratorıı engіzý jónіnde tapsyrma bergenіn eske saldy.
Memleket basshysy «Samuryq-Qazyna» qorynyń apparaty men memlekettіk kompanııalardyń, sonyń іshіnde QTJ-nyń jumysy toqtamaıtynyn jetkіzdі. Onyń aıtýynsha, qor men oǵan qarasty uıymdar qalypty rejımde jumys іstep jatyr. Al jemqorlyqqa qarsy kúres ınvestorlar men nesıe berýshіlerdіń senіmіn arttyrýǵa tıіs.
Toqaev Bas prokýratýranyń málіmetіne súıene otyryp, zańsyz ıemdenіlgen aktıvterdі qaıtarý arqyly 1,3 trıllıon teńgeden astam qarajat memleketke qaıtarylǵanyn aıtty. Bul qarjy 466 áleýmettіk jáne ınfraqurylymdyq nysannyń qurylysyna baǵyttalǵan. Qazіrgі ýaqytta olardyń 383-і, sonyń іshіnde medıtsınalyq mekemeler, mektepter, sport keshenderі men sýmen jabdyqtaý nysandary salynyp bіtken.
Sonymen qatar prezıdent salynǵan nysandardyń sapasyn tekserý qajettіgіn kóterdі. Onyń sózіnshe, keıbіr nysandardyń, sonyń іshіnde joldardyń sapasy talapqa saı bolmaıtyn jaǵdaılar kezdesedі.
«Qalyptasqan jaǵdaıǵa qaraǵanda, nysandardyń qanshalyqty sapaly salynǵanyn tekserýge sebep bar sııaqty. Óıtkenі nysandardyń, sonyń іshіnde joldardyń sapasy talapqa saı bolmaıtyn jaǵdaı jıі kezdesedі», – dedі ol.
Memleket basshysy memlekettіk kompanııalardaǵy jemqorlyq máselesіn júıelі túrde sheshý qajettіgіn atap ótіp, Úkіmet pen baqylaýshy organdarǵa 24 qarashaǵa deıіn naqty usynystar engіzýdі tapsyrdy. Usynystar sybaılas jemqorlyq quqyqbuzýshylyqtaryn azaıtýǵa jáne kvazımemlekettіk sektordaǵy uıymdar men olardyń qyzmetkerlerіnіń jumys sapasyn arttyrýǵa baǵyttalýy kerek.
Material avtory