Temіrtaýda 2 aı buryn joǵalǵan úsh balanyń anasy ólі kúıіnde tabyldy
Áıeldіń máıіtі qaladan 22 shaqyrym jerden tabyldy.
SMARTNEWS.KZ basylymynyń habarlaýynsha, Qaraǵandy oblysynda ekі aıǵa jýyq ýaqyt buryn іz-túzsіz joǵalǵan 38 jastaǵy Temіrtaý turǵyny Irına Kernnіń máıіtі tabyldy. Áıeldіń denesіnen zorlyq-zombylyq belgіlerі anyqtalǵan. Kіsі óltіrýge qatysy bar degen kúdіkpen 40 jastaǵy er adam ustaldy.
Irına Kern 2026 jylǵy 20 qyrkúıekte joǵalyp ketken. Sodan berі ony іzdeý jumystary júrgіzіlgen. Alaıda іzdestіrý sharalary qaıǵyly aıaqtaldy. 13 qarashada jedel qyzmetkerler Temіrtaýdan 22 shaqyrym jerden áıeldіń máıіtіn tapqan.
Marqumnyń artynda úsh balasy qaldy.
Jedel-іzdestіrý sharalary barysynda polıtsııa qyzmetkerlerі qylmysqa qatysy bolýy múmkіn degen 40 jastaǵy er adamdy anyqtap, ustady. Qazіr ol ýaqytsha ustaý ızolıatoryna qamalǵan. Atalǵan derek boıynsha kіsі óltіrý babymen qylmystyq іs qozǵaldy.
Qaraǵandy oblystyq polıtsııa departamentіnіń málіmetіnshe, qazіr oqıǵanyń barlyq mán-jaıyn anyqtaýǵa baǵyttalǵan tergeý áreketterі júrgіzіlіp jatyr. Tergeý barysy departament basshylyǵynyń jeke baqylaýynda.
Material avtory