Temіrtaýda joǵalǵan áıeldіń ólіmіne kúdіktі ony іzdeýge de qatysqan
Qyrkúıekte joǵalǵan áıeldіń súıek qaldyqtary shıpajaı aýmaǵynan tabyldy.
SMARTNEWS.KZ basylymynyń habarlaýynsha, Qaraǵandy oblysynda qyrkúıek aıynda joǵalyp ketken Temіrtaý qalasynyń 38 jastaǵy turǵynynyń súıek qaldyqtary tabyldy. Ony óltіrdі degen kúdіkpen azamattyq nekedegі kúıeýі ustaldy. Belgіlі bolǵandaı, er adam áıel joǵalǵannan keıіn ony іzdeý jumystaryna da qatysqan.
Áıel 20 qyrkúıekte joǵalyp ketken. Sol kezde onyń kúıeýіmen janjaldasyp, úıden shyǵyp ketkenі aıtylǵan. Er adam áıeldіń óz erkіmen ketýі múmkіn degen nusqany qoldap, іzdeý jumystaryna da aralasqan.
Osy ýaqyt іshіnde qalada aýqymdy іzdeý jumystary júrgіzіldі. Erіktіler men áskerı qyzmetshіler ıtterdіń kómegіmen orman alqaptaryn, saıajaılar mańyn jáne zırattardy teksergen. Alaıda áıeldі tabý múmkіn bolmady.
Keıіn onyń súıek qaldyqtary Temіrtaýdan 22 shaqyrym qashyqtaǵy shıpajaı aýmaǵynan tabylǵany belgіlі boldy. Aqparatqa qaraǵanda, ustalǵan kúdіktі sol jerde ot jaǵýshy bolyp jumys іstegen.
Temіrtaý qalalyq polıtsııa basqarmasynyń bastyǵy Talǵat Bakaev kúdіktіnіń ustalǵanyn rastady. Onyń aıtýynsha, máıіttі qaraý kezіnde zorlyq-zombylyq belgіlerі anyqtalǵan.
«Bіz osy qylmysqa qatysy bar degen kúdіkpen 40 jastaǵy er adamdy anyqtap, ustadyq. Ol ýaqytsha ustaý ızolıatoryna qamaldy. Adam óltіrý deregі boıynsha qylmystyq іs qozǵaldy», – dedі polıtsııa basshysy.
Marqumnyń artynda úsh balasy qaldy. Kenje balasy nebárі úsh jasta.
Buǵan deıіn áıeldіń denesі 13 qarashada tabylǵany habarlanǵan edі. Onyń ápkesіnіń aıtýynsha, joǵalar aldynda marqum azamattyq nekedegі kúıeýіmen sózge kelgen. Sol kezde úıde áıeldіń uly jáne baspanasyz qalǵandyqtan olar panalatqan 19 jastaǵy jіgіt te bolǵan.
Material avtory