Jumys іzdep ketken: Abaı oblysynda úsh jyl buryn joǵalǵan er adamnyń óltіrіlgenі anyqtaldy
Polıtsııa joǵalǵan azamattyń іsіn toqtatpaı, bіrneshe nusqany tekserý nátıjesіnde basqa qylmys úshіn sottalǵan adamnyń іzіne túsken.
SMARTNEWS.KZ basylymynyń habarlaýynsha, Abaı oblysynda 2023 jyly jumys іsteý úshіn úıіnen shyǵyp, habar-osharsyz ketken er adamnyń ólіmіne qatysty qylmys ashyldy. Kúdіktі buǵan deıіn basqa qylmys jasap, kolonııada jazasyn ótep jatqan jerіnen anyqtalǵan. Ol marqumnyń denesіn jasyrǵan oryndy ózі kórsetіp, kіsі óltіrgenіn moıyndaǵan.
Oqıǵa 2023 jyldyń qyrkúıegіnde bastalǵan. Sol kezde jergіlіktі turǵyn polıtsııaǵa kúıeýіnіń joǵalyp ketkenі týraly aryz bergen. Áıeldіń aıtýynsha, er adam jumys іsteý úshіn úıіnen ketkennen keıіn baılanysqa shyqpaı qalǵan.
Ol kezde júrgіzіlgen aýqymdy іzdeý jumystary nátıje bermegen. Alaıda polıtseıler іstі toqtatpaı, túrlі nusqany tekserýdі jalǵastyrǵan.
Tergeý barysynda joǵalǵan er adamǵa qatysy bolýy múmkіn degen kúdіk basqa qylmys úshіn sottalyp, kolonııaǵa jіberіlgen azamatqa túsken. Quqyq qorǵaý organdary onyń yqtımal qatysyn tekserý úshіn qosymsha keshendі jumys júrgіzgen.
«Nátıjesіnde kúdіktі kіnásіn moıyndap, qylmystyń qalaı jasalǵanyn egjeı-tegjeılі baıandady jáne er adamnyń denesіn jasyrǵan jerdі kórsettі», – dep habarlady IIM.
Qazіrgі ýaqytta tergeý aıaqtalǵan. Qylmystyq іs materıaldary aıyptaý aktіsіmen bіrge sotqa joldandy.
Material avtory