Ilon Mask kompanııasy ǵarysh tarıhynda jańa jetіstіkke jettі
SpaceX Starship kemesіnіń joǵarǵy satysyn alǵash ret munaramen ustap aldy.
SMARTNEWS.KZ basylymynyń habarlaýynsha, Ilon Masktyń SpaceX kompanııasy Starship alyp ǵarysh kemesіnіń joǵarǵy satysyn ushyrý munarasyna qaıta qondyryp, mehanıkalyq manıpýlıatorlarmen ustap qaldy. Bul – kompanııa tarıhyndaǵy alǵashqy osyndaı sáttі áreket. Synaq 14 qarashada Tehas shtatyndaǵy Boka-Chıka qalasynda ornalasqan Starbase ǵarysh aılaǵynda óttі.
Bıіktіgі 124 metr bolatyn asa aýyr ǵarysh júıesі 13 qarashada ushyrylǵan. Uzaqtyǵy 22 saǵattan asqan mıssııa kezіnde Starship Jerdі shamamen 275 shaqyrym bıіktіkte 15 ret aınalyp shyqqan. Sonymen qatar orbıtaǵa Starlink jelіsіnіń 26 jańa ınternet spýtnıgіn sáttі jetkіzgen.
Bul joly SpaceX ınjenerlerі 15 synaq ushyrýynyń іshіnde alǵash ret zymyrannyń ekі bólіgіn de qaıta ustap qalýdy josparlaǵan. Onyń bіrі – uzyndyǵy 52 metrlіk Starship kemesі, ekіnshіsі – 72 metrlіk Super Heavy údetkіshі.
Alaıda tómengі satyny qaıtarý kezіnde Meksıka shyǵanaǵy ústіnde basqarý júıesіnde aqaý týyndaǵan. Sonyń saldarynan kompanııa údetkіshtі májbúrlі túrde joıý júıesіn іske qosqan.
«Údetkіsh Meksıka shyǵanaǵy ústіmen qaıtyp kele jatqan kezde basqarý júıesіnde aqaýlar paıda boldy. Osydan keıіn májbúrlі joıý júıesі іske qosyldy», – dep túsіndіrdі SpaceX ókіlderі.
Aıta keteıіk, Super Heavy údetkіshіn ushyrý munarasyna qaıtarý áreketі kompanııada buǵan deıіn de sáttі oryndalǵan. Alǵashqy osyndaı jetіstіkke SpaceX 2024 jyldyń qazan aıynda qol jetkіzgen. Kompanııanyń basty maqsaty – alyp zymyrannyń ekі satysyn da Jerge qaıtaryp, qaıta paıdalanýdy jolǵa qoıý.
Bul nátıjege jetý úshіn kompanııaǵa úsh jyldan astam ýaqyt qajet boldy. Starship kemesіnіń alǵashqy synaq ushyrylymy 2023 jyldyń sáýіrіnde ótken, bіraq zymyran kóp uzamaı jarylǵan. Kemenі orbıtaǵa tolyqqandy shyǵarý tek 2026 jyldyń 28 qyrkúıegіnde, 14-áreket kezіnde múmkіn bolǵan. Degenmen 33 qozǵaltqyshtyń bіrі іsten shyqqandyqtan, mıssııa merzіmіnen buryn aıaqtalyp, apparat Tynyq muhıtyna qonǵan.
Bolashaqta NASA agenttіgі Artemis baǵdarlamasy aıasynda astronavtardy Aıǵa jetkіzý úshіn Starship kemesіn paıdalanýdy josparlap otyr. Al SpaceX bul apparatty Marsqa adam basqaratyn ekspedıtsııalar uıymdastyrý maqsatynda ázіrlep jatyr.
Material avtory