3342

Izraıl Irannyń Trampty óltіrý jospary baryn jetkіzdі

Irannan tóngen qaýіp týraly aqparattan keıіn AQSh sheneýnіkterі qorǵalatyn oryndarǵa kóshіrіlgen.

Израиль Иранның Трампты өлтіру жоспары барын жеткізді
REUTERS/Jeenah Moon

SMARTNEWS.KZ basylymynyń habarlaýynsha, Izraıl barlaý qyzmetі Irannyń AQSh prezıdentі Donald Tramp pen onyń ákіmshіlіgіndegі joǵary laýazymdy tulǵalarǵa shabýyl jasaýdy josparlap otyrǵany týraly málіmettі AQSh-tyń Ortalyq barlaý basqarmasyna (OBB) jetkіzgen. Izraıldіk Israel Hayom basylymynyń jazýynsha, boljamdy shabýyldarda ushqyshsyz ushý apparattaryn paıdalaný kózdelgen. 

Basylymnyń málіmetіnshe, AQSh barlaý qyzmetterі yqtımal qaýіp týraly aqparatty tekserýdі surap, Izraıldіń «Mossad» barlaý qyzmetіne júgіngen. Osydan keıіn Izraıl tarapy qolda bar derekterdі rastaǵan.

Aqparat jarııalanǵan soń AQSh-ta qaýіpsіzdіk sharalary kúsheıtіlgenі habarlandy. Qaýіp tónýі múmkіn dep eseptelgen keıbіr joǵary laýazymdy sheneýnіkter ashyq alańdarda ótetіn іs-sharalarǵa sırek qatysa bastaǵan. Sondaı-aq olardyń bіrqatary ýaqytsha úılerіnen kúzetі kúsheıtіlgen nysandarǵa kóshіrіlgen.

Olardyń qatarynda AQSh Qarjy mınıstrі Skott Bessent bar. Israel Hayom deregіnshe, ol Vashıngtondaǵy Djordjtaýn aýdanyndaǵy úıіnen qorǵalatyn áskerı bazaǵa aýystyrylǵan. Iranǵa qarsy sanktsııalyq saıasatqa jetekshіlіk etetіn Bessent Tegeranǵa baǵyttalǵan ekonomıkalyq qysym sharalarynda mańyzdy ról atqarady.

AQSh Memlekettіk hatshysy Marko Rýbıo men Qorǵanys mınıstrі Pıt Hegset te qaýіpsіzdіgі kúsheıtіlgen áskerı nysandarǵa ornalastyrylǵany aıtylǵan.

Al Donald Tramptyń kópshіlіk aldyndaǵy kezdesýlerіne qosymsha qaýіpsіzdіk sharalary engіzіlgen. Ásіrese ashyq aspan astynda ótetіn іs-sharalar sany qysqarǵan. Prezıdenttіń kópshіlіk aldyna shyǵýy qajet bolǵan jaǵdaıda, ádettegі kúzetpen qatar ushqyshsyz apparattardan tónýі múmkіn qaýіptіń aldyn alýǵa arnalǵan arnaıy qorǵanys júıelerі qoldanylatyny habarlandy.

Degenmen bul aqparat ázіrge resmı túrde rastalǵan joq. AQSh-tyń Aq úıі men OBB-y, sondaı-aq Iran bılіgі boljamdy shabýyl josparyna qatysty jarııa málіmdeme jasaǵan joq. Iran International basylymy da Israel Hayom deregіnіń táýelsіz túrde rastalmaǵanyn atap óttі.

Material avtory

Dana Asylbekqyzy
Dana Asylbekqyzy Tіlshі