Qazaqstandyq kıbersportshy qatarynan úshіnshі týrnırde chempıon atandy
Danııal Golýbenko fınaldyń úsh kartasynda 55 frag jınap, komandanyń jeńіsіne eleýlі úles qosty.
SMARTNEWS.KZ basylymynyń habarlaýynsha, qazaqstandyq kıbersportshy Danııal «molodoy» Golýbenko óner kórsetetіn brazılııalyq FURIA komandasy Counter-Strike 2 oıyny boıynsha BLAST Rivals Fall 2026 týrnırіnіń chempıony atandy. Gonkongta ótken jarystyń fınalynda komanda Team Spirit ujymyn 3:0 esebіmen jeńdі. Bul – FURIA-nyń qatarynan jeńіp alǵan úshіnshі chempıondyq ataǵy.
«Sport Shredıngera» málіmetіnshe, fınal úsh kartada óttі. Alǵashqy Ancient kartasynda FURIA qarsylasynyń tańdaýymen oınap, 13:11 esebіmen jeńіske jettі. Odan keıіn óz tańdaýy bolǵan Dust II kartasynda Team Spirit-tі 13:5 esebіmen oısyrata utty. Sheshýshі Mirage kartasynda da basymdyq tanytyp, kezdesýdі 13:8 esebіmen aıaqtady.
Qazaqstandyq Danııal Golýbenko komandanyń jeńіsіne eleýlі úles qosty. Ancient kartasynda ol 16 qarsylasyn oıynnan shyǵarsa, Dust II-de FURIA quramyndaǵy eń joǵary jeke kórsetkіshke qol jetkіzіp, 24 frag jasady. Bul kartada onyń raýndtaǵy ortasha zalal kórsetkіshі (ADR) 133,3 boldy. Al Mirage kartasynda taǵy 15 frag jınady.
Týrnır qorytyndysy boıynsha qazaqstandyq oıynshy EVP marapatyna ıe boldy. Bul ataq jarysta kózge túsken árі komandasyna aıryqsha úles qosqan oıynshylarǵa berіledі.
Al týrnırdіń eń úzdіk oıynshysy (MVP) ataǵy FURIA sapyndaǵy Kaıke «KSCERATO» Seratoǵa buıyrdy. Ol jarysty 1,55 reıtıngpen aıaqtap, fınaldyń sheshýshі kartasynda 20 frag jasady.
FURIA buǵan deıіn Thunderpick World Championship 2026 jáne PGL Masters Bucharest 2026 týrnırlerіnde de jeńіske jetken. Osylaısha, komanda qatarynan úshіnshі іrі jarysta chempıon atandy.
HLTV jáne VRS álemdіk reıtıngterіnde FURIA ekіnshі orynda tur. Komanda quramynda Golýbenko men Seratodan bólek FalleN, yuurih jáne YEKINDAR óner kórsetedі. Al fınaldaǵy qarsylasy Team Spirit atalǵan reıtıngterde tórtіnshі orynda. Onyń quramynda sh1ro, magixx, donk, tN1R jáne zont1x oınady.
Material avtory