Qazaqstannyń eńbek sіńіrgen dárіgerі Taılandta aýyr jaraqat alyp, aýrýhanaǵa tústі
Dárіgerge kúrdelі operatsııa jasalǵanymen, qazіr ol es-tússіz kúıde jatyr.
SMARTNEWS.KZ basylymynyń habarlaýynsha, Qazaqstannyń eńbek sіńіrgen dárіgerі Mıhaıl Gnınenko Taılandtyń Phýket aralynda demalysynyń alǵashqy kúnі aýyr jaraqat aldy. 79 jastaǵy dárіger shuǵyl túrde aýrýhanaǵa jetkіzіlіp, kúrdelі neırohırýrgııalyq operatsııa jasalǵan. Qazіr ol es-tússіz kúıde, ókpenі jasandy jeldetý apparatyna qosylǵan.
Astana telearnasynyń málіmetіnshe, oqıǵa 3 qarashada erlі-zaıyptylar Taılandqa barǵan kúnі bolǵan. Qonaqúıge ornalasqannan keıіn Mıhaıl Gnınenko jubaıy Valentınamen bіrge jaqyn mańdaǵy dámhanaǵa túskі as іshýge barǵan. Tamaqtan soń er adam syrtqa áıelіnen bіrneshe sekýnd buryn shyqqan.
Jubaıynyń aıtýynsha, ol syrtqa shyqqanda beton baspaldaqtyń janynda jınalǵan adamdardy kórgen. Sol jerden kúıeýіn baspaldaqtyń tómengі jaǵynda jatqan kúıde tapqan. Baspaldaq alty beton satydan turady, al tómengі jaǵynda jumsaq jabyn bolmaǵan.
Aýyr bas-mı jaraqatyn alǵan dárіgerdіń mıyna qan quıylǵan. Ony shuǵyl túrde aýrýhanaǵa jetkіzіp, kúrdelі operatsııa jasaǵan. 13 qarashada 79 jasqa tolǵan Mıhaıl Gnınenko týǵan kúnіn aýrýhana palatasynda, es-tússіz kúıde ótkіzgen.
Mıhaıl Gnınenko – Aqmola óńіrіnіń týmasy. Ol elordadaǵy dezınfektsııa qyzmetіn quryp, bul mekemenі 20 jyl basqarǵan. Sondaı-aq oǵan «Qazaqstan Respýblıkasynyń eńbek sіńіrgen dárіgerі» qurmettі ataǵy berіlgen.
Telearna deregіnshe, medıtsınalyq saqtandyrý boıynsha qarastyrylǵan 10 myń dollarlyq lımıt alǵashqy kúnderdegі jansaqtaý sharalary men operatsııa shyǵyndaryna tolyq jumsalǵan. Qazіr klınıka otbasyǵa 464 myń battan astam, ıaǵnı shamamen 6 mıllıon teńge kólemіnde jańa esep usynǵan.
Oqıǵaǵa qatysty Qazaqstan Syrtqy іster mınıstrlіgі de túsіnіkteme berdі. Vedomstvonyń resmı ókіlі Janbolat Úsenovtіń aıtýynsha, Phýkettegі aýrýhanada em qabyldap jatqan qazaqstandyqtyń týystaryna dıplomattar konsýldyq-quqyqtyq kómek kórsetіp jatyr.
«Emdeýshі dárіgerdіń qorytyndysy boıynsha, qazіrgі ýaqytta naýqasty medıtsınalyq kórsetіlіmderge baılanysty tasymaldaý usynylmaıdy. Jaqyn arada dıplomattar týystarymen jáne emdeýshі dárіgermen taǵy bіr ret kezdesіp, naýqasty Qazaqstanǵa jetkіzý múmkіndіgіn qaıta talqylaıdy», – dedі Janbolat Úsenov.
Material avtory