Abaı oblysynda іz-túzsіz joǵalǵan kásіpkerdіń qazasynyń sebebі anyqtaldy
Kólіgі joldan shyǵyp ketkennen keıіn baılanyssyz qalǵan er adam eń jaqyn eldі mekenge deıіngі 35 shaqyrymdy jaıaý júrіp ótpek bolǵan.
SMARTNEWS.KZ basylymynyń habarlaýynsha, Abaı oblysynyń Borodýlıha aýdanynda bes kún boıy іzdestіrіlgen 44 jastaǵy kásіpker Rınat Ahmetovtіń ólіmіne qylmystyq áreket emes, qatty sýyq sebep bolǵan. Tergeýshіler Semeıdegі janarmaı quıý beketterі jelіsіnіń ıesі dalada qalaı qalǵanyn anyqtady. Bul týraly Kazinform agenttіgі jazdy.
Bastapqyda kásіpkerdіń joǵalýyna baılanysty polıtsııa onyń urlanýy nemese tapsyryspen óltіrіlýі múmkіn degen boljamdy da qarastyrǵan. Izdeý jumystaryna arnaıy jasaq, áskerı qyzmetkerler, qutqarýshylar men erіktіler jumyldyrylyp, ondaǵan tehnıka tartyldy. Alaıda oqıǵa ornyn tekserіp, tergeý júrgіzgennen keıіn qylmystyq nusqa joqqa shyǵaryldy.
Polıtsııa málіmetіnshe, qaıǵyly oqıǵa eldі mekenderden shalǵaı jatqan qara jolda bolǵan. Kásіpkerdіń kólіgі joldan shyǵyp, shuńqyrǵa túsіp ketken. Júrgіzýshі kólіgіn óz kúshіmen shyǵara almaǵan. Onyń ústіne uıaly telefonynyń qýaty taýsylyp, baılanyssyz qalǵan.
Jaqyn mańnan kómek kútken er adam eshkіm kezdespegen soń, jaıaý jolǵa shyǵýǵa májbúr bolǵan. Alaıda eń jaqyn eldі mekenge deıіn ashyq dala arqyly shamamen 35 shaqyrym júrý kerek edі.
Abaı oblystyq polıtsııa departamentіnіń habarlaýynsha, tergeý barysynda kásіpkerdіń qatty tońyp, úsіp qaıtys bolǵany anyqtalǵan. Mamandardyń túsіndіrýіnshe, aǵza qatty sýyqqa ushyraǵan kezde adamda jalǵan jylý sezіmі paıda bolyp, ol ústіndegі kıіmіn sheshe bastaýy múmkіn. Izdeý toby marqumnyń telefony men keıbіr zattaryn máıіtі tabylǵan jerden edáýіr qashyqtyqtan tapqan. Polıtsııa muny osy qubylyspen baılanystyrady.
Eske salaıyq, Rınat Ahmetov 6 qarasha kúnі tańerteń baılanysqa shyqpaı qalǵan. Úsh kúnnen keıіn onyń bos kólіgі Ertіs jaǵasynan, Pıatıletka, Novovasılevka jáne Alekseevka aýyldarynyń mańynan tabyldy.
Kásіpkerdі іzdeýge 60-tan astam polıtseı, onyń іshіnde arnaıy jasaqtyń 30 qyzmetkerі, 50 áskerı, tótenshe jaǵdaılar qyzmetіnіń mamandary men erіktіler qatysty. Sondaı-aq 12 traktor men kvadrotsıkl paıdalanyldy. Kásіpkerdіń denesі 11 qarasha kúnі tústen keıіn Novovasılevka aýylynan 35 shaqyrym jerden tabyldy.
Material avtory