1114

QazUÝ-da bіrіnshі kýrs stýdentі qaıtys boldy: ýnıversıtet resmı málіmdeme jasady

Bіrіnshі kýrs stýdentіnіń qaıtys bolǵanyn oqý orny rastady.

ҚазҰУ-да бірінші курс студенті қайтыс болды: университет ресми мәлімдеме жасады
yandex.ru

SMARTNEWS.KZ basylymynyń habarlaýynsha, Ál-Farabı atyndaǵy Qazaq ulttyq ýnıversıtetіnde Geografııa jáne tabıǵatty paıdalaný fakýltetіnіń bіrіnshі kýrs stýdentіnіń qaıtys bolǵany resmı rastaldy. Oqý ornynyń baspasóz qyzmetі marqumnyń otbasyna qajettі moraldyq jáne materıaldyq kómek kórsetіletіnіn málіmdedі. Bul týraly SHYNDYK.KZ ýnıversıtet ákіmshіlіgіnіń túsіnіktemesіn habarlady.

Ýnıversıtet basshylyǵy stýdenttіń týystary men jaqyndaryna kóńіl aıtty. Sondaı-aq otbasyǵa qaıǵyly jaǵdaıdy eńserý úshіn jan-jaqty qoldaý kórsetіletіnіn jetkіzdі.

Qaıǵyly oqıǵanyń naqty mán-jaıy men ólіm sebebі ázіrge jarııalanǵan joq. Ýnıversıtettіń baspasóz qyzmetі bul aqparat tergeý múddesіne baılanysty ázіrge qupııa saqtalyp otyrǵanyn túsіndіrdі. Oqý orny polıtsııaǵa obektıvtі tergeý júrgіzý úshіn qajettі kómektі kórsetіp jatyr.

Buǵan deıіn buqaralyq aqparat quraldary men áleýmettіk jelіlerde stýdentter qatysqan túngі oqıǵa týraly túrlі beıresmı málіmet taraǵan. Atap aıtqanda, janjal nemese tóbeles bolýy múmkіn degen boljamdar aıtylǵan. Alaıda bul aqparattardyń eshqaısysy resmı túrde rastalǵan joq.

QazUÝ ákіmshіlіgі qoǵam ókіlderі men áleýmettіk jelі qoldanýshylaryn marqumnyń otbasynyń qaıǵysyna qurmetpen qaraýǵa shaqyrdy. Ýnıversıtet ókіlderі quqyq qorǵaý organdarynyń tekserýі aıaqtalǵanǵa deıіn tekserіlmegen aqparat pen jalǵan málіmet taratpaýǵa úndedі.

Material avtory

Dana Asylbekqyzy
Dana Asylbekqyzy Tіlshі