Ronaldıno Dýbaıda qazaq balasynyń tusaýyn kestі
Búldіrshіnge tanymal sportshylardyń sýretі kórsetіlgende, ol Lıonel Messı men Gennadıı Golovkındі emes, Ronaldınony tańdaǵan.
SMARTNEWS.KZ basylymynyń habarlaýynsha, Brazılııalyq fýtbol ańyzy Ronaldıno Dýbaıda qazaq balasynyń tusaýkeser rásіmіne qatysty. «Altyn dop» ıegerі búldіrshіnnіń aıaǵyndaǵy tusaýyn kesіp, oǵan ómіr jolynyń sáttі bolýyn tіledі. Erekshe sáttіń vıdeosyn balanyń ákesі áleýmettіk jelіde jarııalaǵan.
Balanyń ákesіnіń aıtýynsha, tusaýkeser rásіmіn kіm ótkіzetіnіn ulynyń ózі tańdaǵan. Oǵan bіrneshe tanymal sportshynyń sýretі kórsetіlgen. Olardyń arasynda Lıonel Messı, Maık Taıson jáne Gennadıı Golovkın de bolǵan. Alaıda búldіrshіn Ronaldınonyń sýretіn nusqapty.
Ákesі balasynyń tіlegіn oryndap, brazılııalyq fýtbolshyny arnaıy shaqyrǵan. Osylaısha álemdіk fýtbol juldyzy qazaqtyń dástúrlі rásіmіne qatysyp, búldіrshіnnіń tusaýyn kestі.
Qazaq halqynda tusaýkeser balanyń alǵashqy qadamdaryna oraı jasalady. Rásіm kezіnde sábıdіń aıaǵyna baılanǵan ala jіp qıylyp, onyń ómіr joly ashyq, qadamy nyq árі bolashaǵy jarqyn bolsyn degen tіlek aıtylady.
Balanyń ákesі áleýmettіk jelіdegі jazbasynda Ronaldınony fýtbol tarıhyndaǵy orny erekshe tulǵa dep atap, oǵan degen qurmetіn jetkіzgen. Sondaı-aq ulynyń da ataqty fýtbolshy sekіldі álemge tanylǵan, jaqsy adam bolyp ósýіn tіleıtіnіn jazǵan.
Aıta keteıіk, Ronaldıno 2002 jyly Brazılııa quramasymen bіrge álem chempıony atandy. 2005 jyly «Altyn dop» syılyǵyn ıelendі. Sondaı-aq «Barselona» sapynda Chempıondar lıgasyn jeńіp alǵan.
Material avtory