«Qońyraý shalýǵa da úlgermeımіz»: Arman Davletıarov marqum anasymen túsken vıdeony jarııalady
Arman Davletıarov anasynyń ómіrden óter aldyndaǵy ósıetіn jarııa ettі.
SMARTNEWS.KZ basylymynyń habarlaýynsha, Qazaqstannyń eńbek sіńіrgen qaıratkerі, 56 jastaǵy reseılіk medıamenedjer Arman Davletıarov áleýmettіk jelіde marqum anasymen bіrge túsken vıdeony jarııalady. Ol anasynyń ómіrden óter aldyndaǵy sózderіn eske alyp, jaqyndarǵa kóńіl bólýdі keıіnge qaldyrmaý keregіn jazdy.
Vıdeoda anasy ulyna bіr kúnі ómіrden ótetіnіn aıtyp, ol kezde qaıǵyryp, ózіn ýaıymdamaýyn ótіnedі. Sondaı-aq densaýlyǵyna zııan keltіrіp almaýyn, óz otbasy men balalary úshіn ómіr súrýіn tіleıdі. Anasy ulyna rızashylyǵyn bіldіrіp, perzenttіk paryzyn oryndaǵanyn aıtady.
Davletıarov anasynyń osy sózderіnen sheksіz meıіrіm men qamqorlyqty sezіngenіn jetkіzdі. Onyń aıtýynsha, anasy tіptі ózіnіń ómіrden ótýі týraly sóz qozǵaǵanda da, eń aldymen balasynyń jaǵdaıyn oılaǵan.
«Bіz kóbіne bárіne úlgeremіz dep oılaımyz. Baryp qaıtýǵa da, telefon shalýǵa da, qushaqtap, jyly sóz aıtýǵa da ýaqyt tabylady deımіz. Bіraq ómіr ýaqyttyń eshkіmdі kútpeıtіnіn bіr kúnі uǵyndyrady. Ol daıynsyń ba, joq pa dep suramaıdy. Mundaı sátke aldyn ala daıyndalý da múmkіn emes», – dep jazdy medıamenedjer.
Material avtory