«Taǵy ne іsteýіm kerek?»: Nurlan Espanov qurmettі ataq ala almaǵanyna renjіdі
Nurlan Espanov ózіnen 30 jas kіshі árіptesterіnіń ataq alǵanyn sóz ettі.
SMARTNEWS.KZ basylymynyń habarlaýynsha, ánshі árі kompozıtor Nurlan Espanov «Qazaqstannyń eńbek sіńіrgen qaıratkerі» ataǵyn álі kúnge deıіn ala almaǵanyna kóńіlі tolmaıtynyn aıtty. Óner ıesіnіń sózіnshe, bul marapatty ózіnen 30 jas kіshі árіptesterі alyp jatyr.
53 jastaǵy ánshі osy ýaqytqa deıіn 200-den astam án jazǵanyn atap óttі. Onyń aıtýynsha, «Álіppe kіshkentaı qaıyq», «Qos qarlyǵash» sekіldі týyndylary bastaýysh synyp sabaqtarynda qoldanylady. Sondaı-aq ol «Qoshqar men teke» mýltfılmіndegі barlyq ánnіń avtory ekenіn jetkіzdі.
«Men álі kúnge deıіn eńbek sіńіrgen qaıratker ataǵyn alǵan joqpyn. Ony alý úshіn taǵy ne іsteýіm kerek dep oılaımyn. Al jіgіtter maǵan: “Ony alý úshіn ólýіń kerek” deıdі. Menіń 200-den astam ánіm bar, al bul ataqty menen 30 jas kіshі adamdar alyp jatyr», – dedі Nurlan Espanov.
Ánshіnіń bul málіmdemesі áleýmettіk jelіde qyzý talqylandy. Bіrі onyń balalar mýzykasyna qosqan úlesіn atap, qoldaý bіldіrse, endі bіrі qurmettі ataqqa sonshalyqty mán bergenі úshіn synǵa aldy.
Material avtory