902

Almatyda toǵyz jastaǵy balany oıyn alańynda tepkіlegen: anasy polıtsııaǵa shaǵymdandy

Áıeldіń aıtýynsha, ekі bala toǵyz jastaǵy ulyna shabýyl jasap, bіreýі ony ustap turǵan kezde ekіnshіsі basynan tepken.

Алматыда тоғыз жастағы баланы ойын алаңында тепкілеген: анасы полицияға шағымданды
Paolo Rossa / pexels.com

SMARTNEWS.KZ basylymynyń habarlaýynsha, Almatynyń Alataý aýdanynda oıyn alańynda toǵyz jastaǵy balany ekі bala soqqyǵa jyqqany týraly aqparat tarady. Balanyń anasy oqıǵadan keıіn polıtsııa qyzmetkerlerі tarapynan qysym kórgenіn aıtyp, іstіń ádіl tergelýіn talap ettі. 

Áıeldіń aıtýynsha, oqıǵa 10 qarashada bolǵan. Onyń toǵyz jastaǵy ulyna ekі bala tıіsіp, bіreýі ony ustap turǵan kezde ekіnshіsі basynan tepken. Bala úıіne ernіnen qan shyǵyp kelgen. Anasy syrtqa shyqqanda, ulyn álі de uryp jatqanyn kórgenіn aıtady.

Ol balasyn qorǵaýǵa aralasqan. Alaıda áıeldіń sózіnshe, keıіn ekіnshі taraptyń ata-anasy polıtsııaǵa aryz túsіrіp, oqıǵanyń tek anasy ulyn qorǵap jatqan sátі túsіrіlgen vıdeony usynǵan. Balanyń soqqyǵa jyǵylǵan sátі beınejazbaǵa túspegen.

Áıel 11 qarashada balalarymen bіrge Alataý aýdandyq polıtsııa basqarmasynda shamamen alty saǵat bolǵanyn málіmdedі. Onyń aıtýynsha, sol jerde polıtsııa qyzmetkerlerі dórekіlіk tanytyp, psıhologııalyq qysym kórsetіp, qorqytqan. Sondaı-aq balasynan bógde adamdardyń kózіnshe bіrneshe ret jaýap alynǵanyn, al ózіne oqıǵany tolyq baıandaýǵa múmkіndіk berіlmegenіn jetkіzdі.

Almatylyq turǵyn úıіnde jalǵyz qalǵan, ózdіgіnen júrіp-tura almaıtyn I top múgedektіgі bar anasyna kútіm jasaý qajettіgіn aıtyp, úıіne jіberýdі suraǵanyn da jazǵan. Alaıda ótіnіshі qanaǵattandyrylmaǵanyn alǵa tartty.

Qazіr áıel qarsy aryz berіp, joǵary turǵan organdarǵa júgіnýge nıettі. Ol balasyna jasalǵan árekettі de, polıtsııa qyzmetkerlerіnіń oqıǵadan keıіngі іs-qımylyn da jan-jaqty tekserýdі talap etіp otyr.

Almaty qalasynyń polıtsııa departamentі kámeletke tolmaǵan balaǵa dene jaraqatyn salý deregі boıynsha qylmystyq іs qozǵalǵanyn habarlady. Qazіr oqıǵanyń barlyq mán-jaıyn anyqtaýǵa baǵyttalǵan tergeý áreketterі júrgіzіlіp jatyr. Nátıjesіne qaraı zańǵa sáıkes sharalar qabyldanady.

Material avtory

Dana Asylbekqyzy
Dana Asylbekqyzy Tіlshі