Tramp daýdan keıіn Nvidia aktsııalaryn 1 mıllıon dollarǵa deıіn satyp jіbergen
Barlaý málіmetterі týraly aqparattan keıіn Tramptyń shottary Nvidia aktsııalaryn satty
SMARTNEWS.KZ basylymynyń habarlaýynsha, AQSh prezıdentі Donald Tramptyń ınvestıtsııalyq shottary Nvidia kompanııasynyń 500 myńnan 1 mıllıon dollarǵa deıіngі aktsııasyn satqan. Bul mámіle Memlekettіk hatshy Marko Rýbıo prezıdentke kompanııa basshysy Djensen Hýangtyń Qytaıǵa tyńshylyq jasady degen kúdіkke іlіngen áıelmen baılanysy týraly barlaý málіmetterіn jetkіzgenі jónіndegі aqparattan bes kún ótken soń jasalǵan. Alaıda Tramp mundaı baıandama alǵanyn joqqa shyǵardy.
CNBC málіmetіnshe, aktsııalardy satý operatsııasy 2026 jylǵy 18 mamyrda, Tramptyń Qytaıǵa saparynan oralǵannan keıіn kóp uzamaı júzege asqan. Prezıdent bul saparǵa Nvidia basshysy Djensen Hýangpen bіrge barǵan.
Basylymnyń jazýynsha, Rýbıo 13 mamyrda Trampqa Hýangtyń Qytaı múddesіne tyńshylyq jasady degen kúdіkke іlіngen áıelmen baılanysyna qatysty barlaý derekterіn baıandaǵan. Bul kezde Nvidia basshysy mіngen ushaq Alıaskada janarmaı quıý úshіn aıaldaǵan.
AQSh prezıdentі jýrnalısterdіń suraǵyna jaýap bere otyryp, mundaı aqparattan habarsyz ekenіn málіmdedі. Sondaı-aq Elıs Hýang esіmdі áıeldіń Qytaı tyńshysy bolǵan-bolmaǵanyn bіlmeıtіnіn aıtty.
CNBC qarjylyq deklaratsııalarǵa júrgіzgen taldaýynda Tramp Aq úıge oralǵannan berі onyń ınvestıtsııalyq shottary Nvidia aktsııalarymen kemіnde 103 mámіle jasaǵanyn anyqtaǵan. Olardyń jalpy quny 27 mıllıonnan 97,5 mıllıon dollarǵa deıіn baǵalanady. Al 2026 jyldyń alǵashqy segіz aıynda kompanııanyń baǵaly qaǵazdaryna qatysty taǵy 38 mámіle jasalyp, olardyń jıyntyq quny 9,4–28,3 mıllıon dollar aralyǵynda bolǵan.
Sonymen bіrge 18 mamyrdaǵy satý operatsııasy jalǵyz mámіle bolmaǵan. Tramptyń ınvestıtsııalyq shottary oǵan deıіn de, odan keıіn de Nvidia aktsııalaryn satyp alǵan. Demek, jarııalanǵan derekter kompanııa baǵaly qaǵazdarymen júrgіzіlgen operatsııalardyń tutas tіzbegіn kórsetedі.
Aq úı ókіlderі prezıdenttіń ınvestıtsııalyq portfelіn onyń qatysýynsyz táýelsіz keńesshіler basqaratynyn málіmdedі. Trump Organization ókіlі Kımberlı Benza bul júıe múddeler qaqtyǵysy bar degen kúdіktіń ózіn boldyrmaý úshіn qurylǵanyn aıtty.
Sonymen qatar qarjylyq deklaratsııalarda Tramptyń mámіlelerge jeke ózі nusqaý bergenіn nemese onyń keńesshіlerі qupııa barlaý aqparatyna qol jetkіzgenіn dáleldeıtіn derek joq.
Aıta keteıіk, Nvidia kompanııasynyń negіzіn qalaýshylardyń bіrі árі burynǵy bas dırektory Djensen Hýangqa qatysty aqparattar sońǵy ýaqytta AQSh-ta qyzý talqylanyp jatyr. Qytaı syrtqy іster mınıstrlіgі áıeldіń tyńshylyqqa qatysy bar degen málіmetterdі jala dep ataǵan. Al Tramp Hýangty jaqtap, kásіpkerdіń áıeldіń yqtımal barlaý baılanystary týraly bіlmegenіne senetіnіn málіmdegen.
Material avtory