Muǵalіm telefonǵa jaýap beremіn dep 4 mıllıon teńgesіnen aıyryldy
Alaıaqtar muǵalіmge ETSQ merzіmі aıaqtalǵanyn aıtyp san soqtyrǵan.
SMARTNEWS.KZ basylymynyń habarlaýynsha, Soltústіk Qazaqstan oblysynda ózіn elektrondy úkіmet qyzmetkerі retіnde tanystyrǵan alaıaqtardyń arbaýyna túsken muǵalіm 4 mıllıon teńgesіnen aıyryldy. Qazіr osy derek boıynsha tergeý júrgіzіlіp jatyr.
Polıtsııanyń málіmetіnshe, aldymen áıelge qońyraý shalǵan belgіsіz adam elektrondy tsıfrlyq qoltańbasynyń (ETSQ) merzіmі aıaqtalyp kele jatqanyn aıtyp, ony uzartý úshіn SMS arqyly kelgen kodty ataýdy suraǵan.
Osydan keıіn muǵalіmge ózіn eGov qyzmetkerі retіnde tanystyrǵan basqa adamdar habarlasyp, onyń atyna alaıaqtar nesıe rásіmdegenіn aıtqan. Qaryzdardy «joıý» úshіn áıelge dál sondaı kólemde nesıe alyp, aqshany «qaýіpsіz» shottarǵa aýdarý qajettіgіn túsіndіrgen.
Alaıaqtardyń sózіne sengen muǵalіm olardyń aıtqanyn oryndap, 4 mıllıon teńgenі aýdaryp jіbergen. Tek sodan keıіn ǵana aldanǵanyn túsіngen.
Quqyq qorǵaý organdary jábіrlenýshіnіń aqshasyn qabyldap, keıіn qylmysty uıymdastyrýshylarǵa jetkіzgen tórt dropperdіń barlyǵyn anyqtaǵan. Olardyń ekeýі Qazaqstanda, qalǵan ekeýі Ózbekstanda turady.
Polıtsııanyń habarlaýynsha, jábіrlenýshі keltіrіlgen shyǵyndy azamattyq-quqyqtyq tártіppen óndіrіp alýǵa quqyly. Al alaıaqtyq deregі boıynsha tergeý jalǵasyp jatyr.
Material avtory