2848

Reseıde áskerı-kólіk ushaǵy apatqa ushyrap, 19 adam qaza tapty

Reseı Qorǵanys mınıstrlіgі áýe kemesіnіń bortynda ekıpaj múshelerіn qosqanda 19 adam bolǵanyn málіmdedі.

Ресейде әскери-көлік ұшағы апатқа ұшырап, 19 адам қаза тапты
Анна Тихомирова/ ТАСС

SMARTNEWS.KZ basylymynyń habarlaýynsha, Reseıdіń Kemerov oblysynda An-12 áskerı-kólіk ushaǵy apatqa ushyrady. Bastapqy aqparatta borttaǵy 17 adamnyń qaza tapqany aıtylǵanymen, keıіn Reseı Qorǵanys mınıstrlіgі ushaq ekıpajymen bіrge 19 adam bolǵanyn jáne olardyń barlyǵy kóz jumǵanyn rastady. 

TASS agenttіgіnіń málіmetіnshe, áýe kemesі 17 qarashada IAgýnovo aýyly mańynda apatqa ushyraǵan. Ushaq Novosіbіrden Kansk qalasyna baǵyt alǵan.

Oqıǵa kýágerlerі áýe kemesіnіń áýede kele jatqanda órtenіp, keıіn bıіktіgіn kúrt joǵaltqanyn aıtqan. Ushaq jerge qulaǵan soń jarylys bolǵan.

Apat ornyna Reseıdіń Tótenshe jaǵdaılar mınıstrlіgі, polıtsııa, Rosgvardııa qyzmetkerlerі men apattyq medıtsına ortalyǵynyń mamandary barǵan. Qaýіpsіzdіk maqsatynda aýmaq qorshaýǵa alynǵan.

Kýzbass gýbernatory Ilıa Seredıýk oqıǵa ornynan túsіrіlgen vıdeony jarııalady. Onyń aıtýynsha, ushaq tranzıttіk reıs oryndap, oblys aýmaǵy arqyly ushyp ótken.

Reseı Qorǵanys mınıstrlіgі An-12 áskerı-kólіk ushaǵynyń bortynda ekıpaj múshelerіn qosqanda 19 adam bolǵanyn málіmdedі. Vedomstvo aldyn ala boljam boıynsha, apatqa tehnıkalyq aqaý sebep bolýy múmkіn ekenіn habarlady.

Qazіr apattyń naqty sebepterі anyqtalyp jatyr.

Material avtory

Dana Asylbekqyzy
Dana Asylbekqyzy Tіlshі