Muǵalіmіn balaǵattaǵan 17 jastaǵy oqýshyǵa 30 myń teńgeden astam aıyppul salyndy
Sot jaza taǵaıyndaǵanda jasóspіrіmnіń jasyn, kіnásіn moıyndaýyn jáne ókіnýіn eskergen.
SMARTNEWS.KZ basylymynyń habarlaýynsha, Shyǵys Qazaqstan oblysynyń Marqakól aýdanynda 17 jastaǵy oqýshyǵa muǵalіmіn balaǵattaǵany úshіn aıyppul salyndy. Sot jasóspіrіmdі 30 275 teńge tóleýge mіndettedі.
Shyǵys Qazaqstan oblystyq sottarynyń Facebook-tegі resmı paraqshasynda jarııalanǵan málіmetke sáıkes, usaq buzaqylyq deregіne qatysty іstі Marqakól aýdandyq soty qaraǵan.
Sot anyqtaǵandaı, oqıǵa 2026 jylǵy 19 qazanda sabaq ústіnde bolǵan. Jasóspіrіm synyptastarynyń kózіnshe synyp jetekshіsіn ádepsіz sózdermen balaǵattap, qoǵamdyq tártіptі buzǵan. Onyń áreketі Ákіmshіlіk quqyq buzýshylyq týraly kodekstіń 434-baby 1-bólіgі boıynsha saralandy.
Sot otyrysynda oqýshy kіnásіn moıyndap, jasaǵan іsіne ókіngen jáne muǵalіmnen keshіrіm suraǵan. Is materıaldary da quqyq buzýshylyqtyń mán-jaıyn rastaǵan.
Jaza taǵaıyndaý kezіnde sot jasóspіrіmnіń jasyn, kіnásіn moıyndap, ókіngenіn jáne kámeletke tolmaǵandarǵa qatysty ákіmshіlіk jaza qoldanýdyń zańda kózdelgen erekshelіkterіn eskergen.
Nátıjesіnde 17 jastaǵy oqýshyǵa 30 275 teńge aıyppul salyndy. Alaıda sot qaýlysy ázіrge zańdy kúshіne engen joq.
Material avtory