«Samuryq-Qazyna» men QTJ basshylaryna qatysty sot sheshіmі shyqty
Qazіr ekі ulttyq kompanııanyń basshysyna qatysty sotqa deıіngі tergeý jalǵasyp jatyr.
SMARTNEWS.KZ basylymynyń habarlaýynsha, «Samuryq-Qazyna» qorynyń basqarma tóraǵasy Nurlan Jaqypov pen «Qazaqstan temіr joly» ulttyq kompanııasynyń basshysy Eljas Otynyshıevke qatysty sot qamaýǵa alý túrіndegі bultartpaý sharasyn sanktsııalady. Ekeýі de sybaılas jemqorlyq qylmysyna kúdіkke іlіngen.
Ulttyq qaýіpsіzdіk komıtetіnіń málіmetіnshe, ekі ulttyq kompanııanyń basshysy 12 qarashada ýaqytsha ustaý ızolıatoryna qamalǵan. Al 14 qarashada tergeý sotynyń sanktsııasymen olarǵa qamaýda ustaý túrіndegі bultartpaý sharasy tańdalǵan.
Qazіr sotqa deıіngі tergeý jalǵasyp jatyr. UQK tergeý múddesіne baılanysty іstіń ózge derekterіn jarııalaýǵa bolmaıtynyn málіmdedі.
Eske salaıyq, 12 qarashada Astanada «Samuryq-Qazyna» men QTJ basshylarynyń ustalǵany belgіlі bolǵan edі. Olardy ustaý kezіnde elordadaǵy «Atlant» turǵyn úı keshenіndegі páterdіń terezesіnen іshіnde іrі kólemde dollar bolǵan chemodan laqtyryldy degen aqparat tarady. Alaıda bul oqıǵanyń tergeý іsіmen baılanysy jónіnde resmı organdar qosymsha málіmet bergen joq.
Keıіn ekі ulttyq kompanııa da jaǵdaıǵa qatysty túsіnіkteme jasady. «Samuryq-Qazyna» baspasóz qyzmetі quqyq qorǵaý organdaryna jan-jaqty qoldaý kórsetіp, suratylǵan materıaldardy usynyp jatqanyn habarlady.
Al QTJ ókіlderі de tergeýge zań aıasynda kómektesіp jatqanyn málіmdedі. Kompanııa men onyń enshіles uıymdary ádettegі jumys tártіbіn jalǵastyryp jatyr.
Material avtory