Astanada 3 jasar balany balabaqshadaǵy qarańǵy ájethanaǵa qamap qoıǵan
Balasyn qarańǵy ájethanada qaldyrǵanyn aıtqan ana balabaqshaǵa shaǵymdandy.
SMARTNEWS.KZ basylymynyń habarlaýynsha, astanalyq áıel úsh jasar ulyn balabaqsha qyzmetkerlerі qarańǵy ájethanada jalǵyz qaldyrǵanyn málіmdedі. Anasynyń aıtýynsha, bastapqyda mekeme ókіlderі keshіrіm surap, balanyń psıhologııalyq jaraqat alǵanyn moıyndaǵanymen, polıtsııaǵa júgіngennen keıіn oqıǵanyń mán-jaıyn basqasha túsіndіre bastaǵan. Polıtsııa da tekserý júrgіzgenіn habarlady.
Áıel oqıǵany Threads áleýmettіk jelіsіnde jarııalaǵan. Onyń sózіnshe, uly balabaqshada ózіn qarańǵy ájethanada jalǵyz qaldyrǵanyn aıtyp, bolǵan jaǵdaıdy ózі kórsetken. Anasy buǵan deıіn balasynyń mundaı jaǵdaıǵa qatysty shaǵym aıtpaǵanyn jetkіzdі.
Áıeldіń málіmdeýіnshe, áýelde balabaqsha basshylyǵy men qyzmetkerlerі bіrneshe ret keshіrіm surap, balanyń psıhologııalyq zardap shekkenіn moıyndaǵan. Anasy mekemege taǵy bіr múmkіndіk berýge de daıyn bolǵan.
Alaıda keıіn mekeme ókіlderіnіń ustanymy ózgergenіn aıtady. Onyń sózіnshe, balabaqsha qyzmetkerlerі aqshasyn qaıtaryp, balasyn basqa mekemege aýystyrýdy usynǵan. Sondaı-aq áıel balabaqsha meńgerýshіsі men tárbıeshіlerdіń bіreýі týǵan ápkelі-sіńlіlі ekenіn, mekemede olardyń basqa da týystary jumys іsteıtіnіn málіmdedі. Bul jaǵdaı іshkі tekserýdіń ádіldіgіne kúmán týdyrǵan.
Anasy polıtsııa shaqyrǵanyn, qyzmetkerler aryzyn qabyldap, oǵan talon-habarlama bergenіn aıtty. Bіraq ázіrge resmı jaýap almaǵan. Onyń pіkіrіnshe, oqıǵaǵa qatysty beınejazbalardyń bolmaýy balanyń sózіn tekserýge kedergі retіnde kórsetіlgen. Áıel balabaqsha qajettі kezeńdegі beınejazbalardy usynbaǵanyn da málіmdedі.
«Men eshkіmdі tekserýsіz jazalaýdy talap etіp otyrǵan joqpyn. Tek oqıǵanyń ádіl árі obektıvtі qaralýyn jáne balamnyń quqyǵy qorǵalýyn suraımyn», – dedі balanyń anasy.
Almaty aýdanynyń polıtsııa basqarmasy bul derek boıynsha tekserý júrgіzіlgenіn habarlady. Onyń aıasynda mektepke deıіngі uıym qyzmetkerlerіnen jaýap alynǵan.
Polıtsııanyń málіmetіnshe, tekserý qorytyndysynda qylmystyq quqyq buzýshylyq belgіlerі anyqtalmaǵan. Jınalǵan materıaldar tıіstі sheshіm qabyldaý úshіn Astana qalasynyń Bіlіm salasynda sapany qamtamasyz etý departamentіne joldanǵan.
Aıta keteıіk, buǵan deıіn Astanada Máńgіlіk El dańǵylyndaǵy memlekettіk balabaqshaǵa qatysty da daý shyqqan edі. Sol kezde tárbıelenýshіlerdіń bіrіnіń týysy mekeme qyzmetkerlerіn balaǵa kúsh qoldandy dep aıyptaǵan. Al Almatydaǵy túzetý ortalyqtarynyń bіrіnde de balaǵa tıіstі deńgeıde qaramaý deregіne qatysty shaǵym jarııalanǵan.
Material avtory