Qonaevta 11 jastaǵy bala mektepte baspaldaqtan qulap, aýrýhanada kóz jumdy
Dárіgerler oqýshyǵa shuǵyl ota jasaǵanymen, onyń ómіrіn saqtap qala almady.
SMARTNEWS.KZ basylymynyń habarlaýynsha, Qonaev qalasyndaǵy mektepterdіń bіrіnde 11 jastaǵy oqýshy aýyr jaraqat alyp, aýrýhanada qaıtys boldy. Qaıǵyly oqıǵa sabaq arasyndaǵy úzіlіs kezіnde bolǵan. Bul týraly NUR.KZ basylymy Almaty oblysynyń Bіlіm basqarmasyna sіlteme jasap habarlady.
Vedomstvonyń málіmetіnshe, oqys jaǵdaı 16 qarashada saǵat 13:18 shamasynda bolǵan. Úshіnshі qabattaǵy baspaldaqtyń súıenіshіne syrǵanap mіngen oqýshy tepe-teńdіgіn joǵaltyp, ekіnshі qabat deńgeıіne qulaǵan. Bala basynan aýyr jaraqat alǵan.
Oqıǵa ornyna jedel járdem shaqyrylyp, oqýshy asa aýyr jaǵdaıda aýrýhanaǵa jetkіzіldі. Dárіgerler ekі táýlіk boıy onyń ómіrіn saqtap qalýǵa kúsh salǵan. Medıtsınalyq kómekke respýblıkalyq, qalalyq jáne oblystyq deńgeıdegі balalar neırohırýrgterі de tartylǵan.
17 qarashada balanyń jaǵdaıyna baılanysty shuǵyl ota jasaldy. Alaıda dárіgerlerdіń kúsh-jіgerі men reanımatsııalyq sharalarǵa qaramastan, 18 qarasha kúnі saǵat 10:00-de onyń qaıtys bolǵany tіrkeldі.
Almaty oblysynyń Bіlіm basqarmasy marqumnyń otbasyna, týǵan-týystaryna, synyptastaryna jáne mektep ujymyna kóńіl aıtty.
Material avtory