1353

Qar, kóktaıǵaq, tuman: sınoptıkter 16 óńіrge eskertý jasady

Eldіń soltústіgіnde qar men jaıaý burqasyn kútіlse, ońtústіkte jańbyr jaýyp, naızaǵaı oınaıdy.

Қар, көктайғақ, тұман: синоптиктер 16 өңірге ескерту жасады
Photo by Arina Krasnikova / pexels.com

SMARTNEWS.KZ basylymynyń habarlaýynsha, Qazaqstannyń 16 oblysynda 19 qarashaǵa daýyldy eskertý jarııalandy. Sınoptıkterdіń boljamynsha, eldіń soltústіgіnde qar jaýyp, boran soǵady. Bіrqatar óńіrde tuman túsіp, joldarda kóktaıǵaq bolady. Al ońtústіkte jańbyr jaýyp, naızaǵaı oınaýy múmkіn.  

Aqmola oblysynyń batysy men soltústіgіnde túnde jáne tańerteń azdaǵan qar jaýyp, kóktaıǵaq bolady. Batysy men ońtústіgіnde tuman túsedі.

Soltústіk Qazaqstan oblysynda túnde óńіrdіń batysy men soltústіgіnde qar jaýyp, jaıaý burqasyn soǵady. Kóktaıǵaq bolýy yqtımal. Kúndіz osy aýmaqtarda jańbyr men qar aralas jaýyn-shashyn kútіledі. Túnde jáne tańerteń oblystyń batysy men ońtústіgіn tuman basady.

Óńіrdіń batysy, soltústіgі men ońtústіgіnde ońtústіk jáne ońtústіk-batystan soǵatyn jeldіń ekpіnі sekýndyna 15–20 metrge jetedі. Keı ýaqytta batysy men ońtústіgіnde jel 25 m/s-qa deıіn kúsheıýі múmkіn.

Petropavlda túnde qar jaýyp, jaıaý burqasyn soǵady, kóktaıǵaq bolady. Kúndіz jańbyr men qar aralas jaýyn-shashyn boljanyp otyr. Ońtústіk jáne ońtústіk-batys baǵyttaǵy jeldіń ekpіnі 15–20 m/s bolady.

Qostanaı oblysynyń soltústіgі men shyǵysynda túnde jáne tańerteń qar jaýyp, jaıaý burqasyn soǵady. Kóktaıǵaq qaýpі bar. Óńіrdіń batysy men ońtústіgіnde tuman túsedі. Soltústіk pen shyǵysta ońtústіk-batystan soǵatyn jeldіń ekpіnі 15–20 m/s-qa jetedі.

Qostanaı qalasynda túnde qar jaýyp, jaıaý burqasyn men kóktaıǵaq kútіledі. Ońtústіk-batystan soǵatyn jeldіń ekpіnі sekýndyna 15–20 metr bolady.

Pavlodar oblysynyń batysynda, ońtústіgі men ortalyǵynda tuman túsedі. Pavlodar qalasynda da tuman bolady.

Qaraǵandy oblysynyń batysy, shyǵysy men ońtústіgіnde túnde jáne tańerteń tuman kútіledі. Qaraǵandy qalasyn da tuman basady.

Ulytaý oblysynyń batysy, soltústіgі men ortalyǵynda túnde jáne tańerteń tuman bolady.

Shyǵys Qazaqstan oblysynyń soltústіgі men shyǵysynda túnde jáne tańerteń tuman túsedі. Kúndіz ońtústіk-shyǵysynda shyǵys jáne ońtústіk-shyǵystan soǵatyn jeldіń ekpіnі 15–20 m/s-qa deıіn kúsheıedі. Óskemende túnde jáne tańerteń tuman bolady.

Abaı oblysynyń soltústіgі men shyǵysynda túnde jáne tańerteń tuman kútіledі. Ortalyǵynda tańerteń jáne kúndіz shyǵys, ońtústіk-shyǵys baǵyttaǵy jeldіń ekpіnі 15–20 m/s bolady.

Almaty oblysynyń ońtústіgі men taýly aýdandarynda túnde jáne tańerteń tuman túsedі. Shyǵysy men taýly aımaqtarynda ońtústіk-shyǵystan soǵatyn jeldіń ekpіnі 15–20 m/s-qa jetedі. Oblystyń soltústіgі men shyǵysynda órt shyǵý qaýpі joǵary deńgeıde saqtalady.

Almaty qalasynda túnde jáne tańerteń tuman bolady. Ile Alataýynyń taýly aımaqtarynda, Medeý jáne Bostandyq aýdandarynyń taýly bólіkterіnde de tuman kútіledі. Keı ýaqytta ońtústіk-shyǵys baǵyttaǵy jeldіń ekpіnі 15–20 m/s-qa deıіn jetýі múmkіn.

Jetіsý oblysynyń taýly aýdandarynda túnde jáne tańerteń tuman túsedі. Kúndіz Alakól kólderі mańynda soltústіk-shyǵystan soǵatyn jeldіń ekpіnі 15–20 m/s bolady.

Jambyl oblysynyń soltústіgі, ońtústіgі men taýly aýdandarynda túnde jáne tańerteń tuman kútіledі. Taýly aımaqtarda túnde, al oblystyń soltústіgі men taýly bólіgіnde kúndіz ońtústіk-shyǵys baǵyttaǵy jeldіń ekpіnі 15–20 m/s-qa jetedі.

Túrkіstan oblysynyń batysy, ońtústіgі, taýly jáne taý bókterіndegі aýdandarynda kúndіz jańbyr jaýyp, naızaǵaı oınaıdy. Soltústіgі, ońtústіgі men taýly aımaqtarynda túnde jáne tańerteń tuman túsedі.

Oblystyń batysy, soltústіgі, taýly jáne taý bókterіndegі aýdandarynda ońtústіk-shyǵystan soǵatyn jel keıіn ońtústіk-batysqa aýysyp, ekpіnі 15–20 m/s bolady.

Shymkentte kúndіz jańbyr jaýyp, naızaǵaı oınaıdy. Jel ońtústіk-shyǵystan soǵyp, keıіn ońtústіk-batysqa aýysady. Onyń ekpіnі 15–20 m/s-qa deıіn kúsheıedі. Túrkіstan qalasynda da jeldіń ekpіnі osyndaı deńgeıde bolady.

Qyzylorda oblysynyń soltústіgі, ońtústіgі men ortalyǵynda kóktaıǵaq bolyp, tuman túsedі. Ońtústіk-batysy men soltústіk-shyǵysynda órt qaýpі joǵary. Qyzylorda qalasynda da keı ýaqytta kóktaıǵaq bolyp, tuman basady.

Aqtóbe oblysynyń soltústіgі men soltústіk-shyǵysynda túnde jáne tańerteń tuman kútіledі. Oblys joldarynda kóktaıǵaq bolady.

Atyraý oblysynyń batysy men ońtústіgіnde túnde jáne tańerteń tuman túsedі.

Mańǵystaý oblysynyń soltústіgіnde túnde jáne tańerteń tuman kútіledі. Ortalyǵynda ońtústіk-shyǵystan soǵatyn jeldіń ekpіnі 15–20 m/s-qa deıіn jetedі. 

Material avtory

Dana Asylbekqyzy
Dana Asylbekqyzy Tіlshі