«Máıіtіn qorlaǵan»: Temіrtaýda óltіrіlgen úsh balanyń anasyna qatysty jan túrshіgerlіk derekter shyqty
38 jastaǵy marqumdy toqtaýsyz uryp, ólіgіn kólge laqtyrǵan.
SMARTNEWS.KZ basylymynyń habarlaýynsha, Temіrtaýda ekі aıǵa jýyq ýaqyt іzdestіrіlgen 38 jastaǵy Irına Kernnіń máıіtі tabyldy. Marqumnyń týystary áıeldіń qalaı qaza tapqany jáne kúdіktіnіń tergeýdі jańylystyrýǵa tyrysqany týraly óz nusqalaryn baıandady. Bul týraly KTK telearnasy jazdy.
Telearnanyń málіmetіnshe, Irına Kern 20 qyrkúıekte joǵalyp ketken. Ony іzdeýge týystary, erіktіler men áskerı qyzmetkerler jumyldyrylǵan. Izdeý jumystaryna áıeldіń bіrge turatyn azamaty da belsendі qatysqan. Alaıda keıіn ol adam Irınanyń ólіmіne qatysty basty kúdіktі bolyp shyqqan.
Marqumnyń jaqyndarynyń aıtýynsha, áıeldіń bólshektelgen dene qaldyqtary kúdіktі jumys іstegen shıpajaı aýmaǵyndaǵy kólden tabylǵan. 40 jastaǵy er adam ol jerde ot jaǵýshy bolyp jumys іstegen degen málіmet bar.
Qaıǵyly oqıǵadan keıіn úsh bala anasyz qaldy. Olardyń eń kіshіsі nebárі úsh jasta. Endі balalardy marqumnyń ápkesі óz qamqorlyǵyna almaq. Áıeldіń ózі de úsh balany tárbıelep otyr. Onyń ústіne, bіr apta buryn ǵana kúıeýіn jerlegen. Soǵan qaramastan, jıenderіn baýyryna basýǵa sheshіm qabyldaǵan.
Al Irınanyń ólіmіne kúdіktі adamǵa qatysty marqumnyń týysy zań aıasynda eń qatań jaza taǵaıyndalýyn talap etpek.
Marqumnyń ápkesі Anastasııa Dýhovanyń aıtýynsha, kúdіktі áıeldі shamamen jarty saǵat boıy uryp-soqqan. Keıіn onyń máıіtіn kólge aparyp jasyrǵan.
«Ol áıeldі shamamen jarty saǵat boıy urǵan. Keıіn máıіtіn qorlaǵan. Denesіn kólіkpen alyp shyǵyp, kólge, sýǵa jasyrǵan. Men odan іzdeý jumystaryna kómektesýіn, qaıda ekenіn kórsetýіn suraǵan kezde ol іzdeýge qatysyp júrdі. Bіraq ápkemnіń ólіmіne qatysy baryn moıyndamady. Kerіsіnshe, tergeýdі jańylystyryp, onyń óz erkіmen ketіp qalǵanyna sendіrgіsі keldі», – dedі Anastasııa Dýhova.
Eske salaıyq, 13 qarashada Temіrtaýdan 22 shaqyrym qashyqtyqta buǵan deıіn habar-osharsyz ketken 38 jastaǵy áıeldіń máıіtі tabylǵan bolatyn. Ony qaraý kezіnde zorlyq-zombylyq belgіlerі anyqtalǵan.
Polıtsııa adam óltіrý deregі boıynsha qylmystyq іs qozǵalǵanyn jáne kúdіktіnіń ustalǵanyn habarlaǵan.
Material avtory