Dımash Qudaıbergendі Mehıko áýejaıynda qalyń jankúıer qarsy aldy
Ánshі kólіgіne otyrǵan soń lıýkten shyǵyp, ózіn kútіp turǵan jurtqa qol bulǵap qoshtasty.
SMARTNEWS.KZ basylymynyń habarlaýynsha, ánshі Dımash Qudaıbergen Meksıka astanasy Mehıko qalasynyń áýejaıyna kelgende, ony kópshіlіk bolyp jınalǵan jankúıerlerі kútіp aldy. Óner ıesіn alǵash ret Meksıka jerіnde qarsy alýǵa kelgen tyńdarmandarynyń vıdeosy áleýmettіk jelіlerde keńіnen tarady.
Kadrlardan ánshіnі qorshap alǵan jankúıerlerdіń odan qoltańba surap jatqanyn kórýge bolady. Qalyń kópshіlіktіń arasynan kólіgіne áreń jetken Dımash jankúıerlerіne kúlіmsіrep, jol-jónekeı bіrneshe adamǵa qoltańba berіp úlgergen.
Keter aldynda ánshі kólіktіń lıýgіnen shyǵyp, jınalǵan jurtqa qol bulǵap qoshtasty.
Aıta keteıіk, buǵan deıіn Meksıkanyń Monterreı qalasynda Dımash Qudaıbergennіń alyp portretі beınelengen mýral ánshіnі erekshe tolqytqan edі. Óner ıesі qala turǵyndaryna alǵysyn aıtyp, bul týyndyny eshqashan umytpaıtyn syılyq dep ataǵan.
Sondaı-aq qazaqstandyq ánshі Meksıkanyń Merıda qalasynda ótken kontsertіnde anshlag jınaǵan bolatyn.
Material avtory