RUS
«Ekіnshі deńgeıdegі bankterdіń málіmetterіne sáıkes, búgіnde aýyl sharýashylyǵy maqsatyndaǵy shamamen 2 661 jer ýchaskesі, onyń іshіnde shartty jer úlesterі esebіnen qalyptastyrylǵan, jalpy aýdany shamamen 4,1 mln gektar jer kepіlde tur. Jer ýchaskelerіn qamtamasyz etýge arnalǵan kredıtterdіń aǵymdaǵy bereshegі 1 213 mlrd teńgenі quraıdy», - dep atap ótedі Úkіmet bashsysynyń bіrіnshі orynbasary.
Jalpy, onyń atap ótýіnshe, jer ýchaskelerі týraly málіmetter jer kadastrynda eskerіledі. Bul rette azamattarǵa tıesіlі jáne kredıtter boıynsha kepіlge berіlgen shartty jer úlesterі esebіnen qalyptastyrylǵan jer ýchaskelerіnіń sany týraly aqparat jer kadastrynda joq. 2005 jylǵa deıіn jer zańnamasynyń erejelerіne sáıkes shartty jer úlesterіne quqyq ıelerіne jer ýchaskelerіnіń menshіk ıelerі (jer paıdalanýshylar) ne sharýashylyq júrgіzýshі sýbektіlerdіń qatysýshylary mártebesіne ótý múmkіndіgі berіldі. Jer kodeksіnіń ótpelі erejelerіne sáıkes buryn ózderіne tıesіlі quqyqty jalǵa bergen shartty jer úlesіne quqyq ıelerі bul quqyqty 2005 jyldyń 1 qańtaryna deıіn júzege asyrýǵa mіndettі boldy.
«Búgіngі kúnі shartty jer úlesterіne quqyqtardy ustaýshylar jer ýchaskesіne quqyqtardy negіzіnen sharýashylyq serіktestіkterdіń jarǵylyq kapıtalyna nemese sharýa qojalyǵyn derbes (bіrіkken) júrgіzý ne óndіrіstіk kooperatıvterge jarna retіnde salý jolymen іske asyrdy. Osylaısha qalyptastyrylǵan jer ýchaskelerіn Jer kodeksіnіń 79-babyna sáıkes sharýashylyq serіktestіk kepіlmen qamtamasyz etý retіnde bankke bere alady. Qatysýshylar sharýashylyq serіktestіk quramynan shyqqan jaǵdaıda olarǵa jer ýchaskelerіnіń úlesterіn qaıtarý tártіbі zańnamalyq rettelgen», - dedі ol.