RUS
Aldyn ala esep boıynsha, memleketke 41 mln teńge shyǵyn keltіrіldі. Teksere kele ýchaskenіń 2006 jyly orman qorynan shyǵarylyp, bіr jyl ótkesіn kásіpker Baqtııar Abdýllaevqa qyzmet kórsetý nysanyn salý úshіn berіlgendіgі anyqtaldy.
Soltústіk Qazaqstan oblystyq soty baspasóz qyzmetіnіń málіmetіnshe, SQO Jer resýrstaryn basqarý departamentі Baqtııar jáne Famıl Abdýllaevtardy, «ASTEK-AUTO» JShS, Murat Imanbaevty, Serіkqan Tólegenovty, Ádіl Bagramovty, «Petropavl qalalyq jer qatynastary bólіmі» KMM-dі sotqa berіp, satý-satyp alý, syıǵa tartý sharttaryn, ákіmdіk qaýlysyn jáne jergіlіktі atqarýshy organnyń buıryǵyn jaramsyz dep tanýdy surady.
Talapker – SQO Jer resýrstaryn basqarý departamentі bıyl 17 qańtarda SQO mamandandyrylǵan tabıǵat qorǵaý prokýratýrasynan jergіlіktі atqarýshy organnyń jer ýchaskelerіn berý jónіndegі zańsyz sheshіmderіnіń kúshіn joıý maqsatynda sotqa talap qoıý týraly hat kelgenіn atap óttі.
QR Aýyl sharýashylyǵy mınıstrlіgіnіń Jer resýrstaryn basqarý komıtetі «Petropavl qalasy ákіmіnіń apparaty» KMM-dі teksergen. Nnátıjesіnde Abdýllaevqa jer ýchaskesіn berý kezіnde QR Jer kodeksіnіń 109-baby 1-tarmaǵynyń talaptary buzylǵanyn anyqtady. Berіlgen jer ýchaskesі úı qurylysy aımaǵynda jáne respýblıkalyq avtomobıl jolynyń boıynda ornalasqan. Osyǵan baılanysty, ortaq paıdalanylatyn jer bolǵandyqtan, ol jerden ýchaskenі berýge bolmaıdy.
«Jer ýchaskesіn berý kezіnde egjeı-tegjeılі josparlaý jobasy ázіrlenbegenі jáne bekіtіlmegenі, jer ýchaskesі Jer kodeksіnіń 48-babynyń talaptaryn buza otyryp, aýktsıonsyz berіlgenі anyqtaldy. Jospar boıynsha bul ýchaskede úıler qarastyrylmaǵan, ol jerde orman shoqtary ǵana kórsetіlgen. Jer ýchaskesі bіrіnshі tehnıkalyq sanattaǵy jol boıyndaǵy jolaqqa jatady», - delіngen baspasóz habarlamasynda.
Sot jer ýchaskesі aǵaıyndy Abdýllaevtarǵa zańnama talaptary buzyla otyryp berіldі degen qorytyndyǵa keldі. Osyǵan baılanysty sot SQO Jer resýrstaryn basqarý departamentіnіń talap-aryzyn qanaǵattandyrdy.