Astanada múmkіndіgі shekteýlі azamattardy ońaltýǵa arnalǵan ortalyq salynady
Elordada múgedektіgі bar adamdardy ońaltýǵa arnalǵan 150 oryndyq ortalyq salý josparlanyp otyr. Bul týraly bas shaһardyń kommýnıkatsııalar qyzmetіnde ótken brıfıngіde Astana qalalyq Jumyspen qamtý jáne áleýmettіk qorǵaý basqarmasy basshysynyń orynbasary Azamat Ospanov aıtty, dep habarlaıdy smartnews.kz saıty.
«Qazaqstanda múgedek adamdardyń quqyqtaryn qamtamasyz etý jáne ómіr súrý sapasyn jaqsartý jónіndegі Ulttyq jospar sheńberіnde elordada 150 orynǵa arnalǵan múgedektіgі bar adamdarǵa arnalǵan ońaltý ortalyǵyn salý josparlanýda. Sonymen qatar, 1,5 jastan 18 jasqa deıіngі múgedektіgі bar balalarǵa arnalǵan jartylaı statsıonar jaǵdaıynda 30 tósek-orynǵa arnalǵan shaǵyn úı ashý jumysy júrіp jatyr. Buǵan qosa, qalada 100 orynǵa shaqtalǵan psıhonevrologııalyq aýrýlary bar múgedekter úshіn fılıal ashý múmkіndіgі qarastyrylýda», - dep bólіstі Azamat Ospanov.
Munymen qatar, brıfıngі barysynda spıker byltyr sal dertіmen aýyrǵan 37 elordalyq ońaltýdan keıіn aıaqqa turǵanyn málіmdedі. Jalpy búgіngі tańda elorda aýmaǵynda 5 556 adam arnaýly áleýmettіk qyzmettermen qamtylǵan.